Muktad Prayers

These are prayers which any Parsi Zoroastrian in a state of ritual purity can recite at the fire temple or in the house, at any time of the day or night during the 10 days of the Muktād. The Local Time from midnight to 2 am should be avoided for all prayers, except for the Kasti.

Contents

Muktad no Namaskar 1

Frāmraot Hā. 1

1200 Ashem Vohu. 2

Five Gatha Prayers. 3

Gatha Ahunavad. 3

Gatha Ushtavad. 13

Gatha Spentomad. 21

Gatha Vohu-Khshathra. 27

Gatha Vahistoisht 29

1200 Yatha Ahu Vairyos. 31

Stum-no-Kardo. 32

Fravardin Yasht 35

Lākhi nu Bhantar 49

Muktad no Namaskar

(Introduction: This Namaskar is done during the days of the Muktād. It can either be done at the Agyari where the Muktād are observed, or it can be recited even at home.)

FAz hamā gunāh patet pashemānum. Ashāunãm vanguhish surāo spentāo Fravashayo yazamaide. Recite fully 1 Ashem vohu. E (From F to E recite thrice).

Ahmāi raeshcha khvarenascha, ahmāi tanvo drvatātem, ahmāi tanvo vazdvare, ahmāi tanvo verethrem, ahmāi ishtim paourush-khāthrãm, ahmāi āsnãmchit frazantim, ahmāi dareghãm daregho-jitim, ahmāi vahishtem ahum ashaonãm, raochanghem, vispo-khāthrem. Atha jamyāt yatha āfrināmi. Recite fully 1 Ashem vohu.

Hazanghrem baeshazanãm, baevare baeshazanãm, Hazanghrem baeshazanãm, baevare baeshazanãm, Hazanghrem baeshazanãm, baevare baeshazanãm. Recite fully 1 Ashem vohu.

Jasa me avanghe Mazda, jasa me avanghe Mazda, jasa me avanghe Mazda ! Amahe hutāshtahe huraodhahe, Verethraghnahe Ahura-dhātahe, Vanaintyāoscha uparatāto, Rāmano khāstrahe, Vayaosh uparo-kairyehe, taradhāto anyāish dāmãn, aetat te Vayo, yat te asti, Spento-mainyaom, thwāshahe khvadhātahe, Zravānahe akaranahe, Zravānahe daregho-khadhātahe. Recite fully 1 Ashem vohu.

Kerfeh mozd, gunāh guzāresh-nerā kunam, ashahi ravãn dushā-ram-rā, ham kerfeh hamā vehāne hafta keshvar zamin, zamin-pahānā, (here, pay homage to mother earth by taking your hand towards the ground, but not touching it) rud-darānā, khorshid-bālā, bundehād beresād, asho bed derji. Atha jamyāt yatha āfrināmi. Recite fully 1 Ashem vohu.

Frāmraot Hā.

(Introduction: This prayer has to be done only during the first 5 days of the Muktād, that is, from Āshtād roj to Anerān roj of Aspandād māh. It is actually the 20^th Hā of the Yasna, which is a commentary on the Ashem Vohu prayer. It one is not able to pray it, then one can pray the 1200 Ashem Vohus as given later on. It can either be done at the Agyari where the Muktād are observed, or it can be recited even at home.)

Khshnaothra Ahurahe Mazdāo. Recite fully 1 Ashem vohu.

Pa nãme yazdãn Hormazd khodāe awazuni gorje khoreh awazāyād, Ardā-fravash be-rasād.

Az hamā gunāh patet pashemānum, az harvastin dushmata duzhukhta duzhvarshta, mem pa geti manid, oem goft, oem kard, oem jast, oem bun bud ested, az ān gunāh manashni gavashni kunashni, tani ravãni, geti minoãni, okhe avākhsh pashemān, pa se gavashni pa petet hom. Khshnaothra Ahurahe Mazdāo, taroidite Angrahe Mainyeush, haithyā-varshtãm hyat vasnā frashotemem. Staomi Ashem. Recite fully 3 Ashem vohu.

Fravarāne Mazdayasno Zarathushtrish vidaevo Ahura-tkaesho (Recite the appropriate short geh) frasastayaecha. Ahurahe Mazdāo raevato khvare-nanghato, Ameshanãm Spentanãm, ashāunãm fravashinãm ughranãm aiwi-thuranãm Paoiryo-tkaeshanām fravashinãm, Nabā-naz-dishta-nãm fravashinãm, khshnaothra yasnāicha vahmāicha khshnaothrāicha frasastayaecha, yathā āhu vairyo zaotā frā me mrute, athā ratush ashātchit hachā, frā ashava vidhvāo mraotu.

Ahurem Mazdām raevantem kharenanghantem yazamaide, Ameshā Spentā hu-khshathra hu-dhāongho yazamaide. Ashāunãm vanghuhish surāo spentāo fravashayo yazamaide.

(1) Frāmraot Ahuro Mazdāo. Ashem Vohu vahishtem asti, para ahmāi vohu vahishtem chinasti, yatha khvaetave khvaetātem; vohu vahishtem asti atha tkaeshem kārayeiti.

(2) Ushtā asti ushtā ahmāi, ushtatāitya vispem ashavanem vispāi ashaone para-chinasti, yathanā stāitya vispem ashavanem vispāi ashaone para – chinasti.

(3) Hyat ashāi vahishtāi ashem, para – chinasti vispem māthrem vispem māthrāi, yatha ashāi khshathrem chinasti, yathacha zbayente ashaone ashem chinasti, yathacha khshmāvoya ashem chinasti yat Saoshyantaeibyo; thrāyo tkaesha. vispem vacho fravākem haurum, vacho Ahurahe Mazdāo.

(4) Mazdāo frāmraot; chim frāmraot, ashavanem mainyaomcha gaethimcha. Chvās frāmraot fravākem, vahishto khshayamno. Chvantem ashavanem, vahishtemcha avaso-khshathremcha.

(5) Baghām Ashahe Vahishtahe yazamaide; Ashahe Vahishtahe yazamaide frasraothremcha, framerethremcha, fragāthremcha, frāyashtimcha.

Yenghe hātām āat yesne paiti vangho, Mazdāo Ahuro vaethā ashāt hachā, yāonghāmchā tāschā tāoschā yazamaide.

Ashem Vohu 1.

(To recite in Bāj, i.e. mentally) Ahura Mazda khodāe, awazuni-e mardum, mardum sardagãn, hamā sardagãn, ham-bāyaste vehãn, oem behedin Māzdayasnãn, āgāhi, āstavāni, neki rasānad, aedun bād. (To recite aloud) Recite fully 2 Yathā ahu vairyo.

Yasnemcha vahmemcha aojascha zavarecha āfrināmi, Ahurahe Mazdāo raevato khvare-nanghato, Ameshanãm Spentanãm, ashāunãm fravashinãm ughranām aiwi-thuranãm, Paoiryo-tkaeshanãm fravashinãm, Nabā-naz-dishta-nãm fravashinãm. Recite fully 1 Ashem vohu.

Ahmāi raeshcha, Hazanghrem, Jasa me avanghe Mazda, Kerfeh mozd. (Recite fully these 4 short prayers.)

1200 Ashem Vohu

(Introduction: This prayer has to be done only during the first 5 days of the Muktad, that is from Āshtād roj to Anerān roj of Aspandād māh. It has to be done if one is not praying the Framraot Hā prayer. If one is doing the Framraot Hā prayer, there is no need to do this prayer. It can either be done at the Agyari where the Muktād are observed, or it can be recited even at home.)

Khshnaothra Ahurahe Mazdāo. Recite fully 1 Ashem vohu.

Pa nãme yazdãn Hormazd khodāe awazuni gorje khoreh awazāyād, Ardā-fravash be-rasād.

Fravarāne Mazdayasno Zarathushtrish vidaevo Ahura-tkaesho (Recite the appropriate short geh) frasastayaecha. Ahurahe Mazdāo raevato khvare-nanghato, Ameshanãm Spentanãm, ashāunãm fravashinãm ughranãm aiwi-thuranãm Paoiryo-tkaeshanām fravashinãm, Nabā-naz-dishta-nãm fravashinãm, khshnaothra yasnāicha vahmāicha khshnaothrāicha frasastayaecha, yathā āhu vairyo zaotā frā me mrute, athā ratush ashātchit hachā, frā ashava vidhvāo mraotu.

Ahurem Mazdām raevantem kharenanghantem yazamaide, Ameshā Spentā hu-khshathra hu-dhāongho yazamaide. Ashāunãm vanghuhish surāo spentāo fravashayo yazamaide.

Recite fully 1200 Ashem Vohu.

(To recite aloud) Recite fully 2 Yathā ahu vairyo. Yasnemcha vahmemcha aojascha zavarecha āfrināmi, Ahurahe Mazdāo raevato khvare-nanghato, Ameshanãm Spentanãm, ashāunãm fravashinãm ughranām aiwi-thuranãm, Paoiryo-tkaeshanãm fravashinãm, Nabā-naz-dishta-nãm fravashinãm. Recite fully 1 Ashem vohu.

Ahmāi raeshcha, Hazanghrem, Jasa me avanghe Mazda, Kerfeh mozd. (Recite fully these 4 short prayers.)

Five Gatha Prayers

The word Gatha means “a song”, and is derived from Avesta root gā “to sing”. The Gathas are recited as prayers, one on each of the five Gatha days, which occur at the end of the Parsi calendar year. The seventeen chapters of Gathas are included in the seventy-two chapters of the larger text of Yasna.

The Gathas are accorded the highest place in Zoroastrian scriptures, as they are the inspired words of prophet Zarathushtra himself. They are poetic in nature, and contain measured stanzas, with metre, syllables and pauses. The meanings of the Gathas contain lofty metaphysical ideas, which are very beneficial for the mental and spiritual progress of man. The chanting of the Gatha as a prayer is very efficacious when recited on the particular Gatha day.

Gatha Ahunavad

(Introduction: Ahunavad Gatha begins from Yasna Hā 28 and ends with Yasna Hā 34. These seven chapters should be recited on the Ahunavad Gatha day.)

Khshnaothra ahurahe mazdāo. Ashem vōhū (1).

Pa nāme yazdān ahura mazda khodāe awazuni gorje khoreh awazāyād; geh gāthābyō ahunavad geh, ushtavad geh, spentomad geh, vohū-khshathra geh, vahīshtoisht geh, geh gāthābyō ardāfravash beresād.

Az hamā gunāh patet pashemānum, az harvastin dushmata duzhūkhta duzhvarshta, mem pa getī manīd, oem goft, oem kard, oem jast oem bun būd ested, az ān gunāh manashnī gavashnī kunashnī, tanī ravānī, getī minoānī, okhe avākhsh pashemān, pa se gavashni, pa petet hom. Khshnaothra ahurahe mazdāo, tarōidite angrahe mainyeush haithyāvarshtām hyat vasnā frashotemem. Staomi ashem. Ashem vohu 3.

Fravarāne mazdayasnō zarathushtrish vīdaēvo ahura-tkaēsho (Gāh according to the period of the day) frasastayaecha. Ahurahe mazdāo raevato khvarenanghato, ameshanām spentanām, gāthābyō spentābyō ratukhshathrābyō ashaonibyō, ahunavaityāo gāthayāo, ushtavaityāo gāthayāo, spentā-mainyeush gāthayāo, vohu-khshathrayāo gāthayāo, vahishtoishtōish gāthayāo, ashaonām fravashinām ughranām aivi-thūranām, paoiryo-takēshanām fravashinām nabānazdishtanām fravashinām. Khshnaothra yasnāicha vahmāicha khshnaothrāicha frasastayaēcha, yathā ahū vairyō zaotā frā me mrūte, athā ratūsh ashātchit hacha frā ashava vidhvāo mraotū.

Ahurem mazdãm raēvantem khvarenanghantem yazamaide; ameshā spentā hukhshathrā hudhāonghō yazamaide. Gāthāo spentāo ratukhshathrāo ashaonīsh yazamaide; ahunavaitīm gāthām ashaonīm ashahe ratūm yazamaide, ushtavaitīm gāthām ashaonīm ashahe ratūm yazamaide, spentā-maiyūm gāthām ashaonīm ashahe ratūm yazamaide, vohu-khshathrām gāthām ashaonīm ashahe ratūm yazamaide, vahishtōishtīm gāthām ashaonīm ashahe ratūm yazamaide. Ashaonām vanghuhīsh sūrāo spentāo fravashayō yazamaide. Ahunem vairīm tanūm pāiti, ahunem vairīm tanūm pāiti, ahunem vairīm tanūm pāiti; Yathā ahū vairyō (1).

Yasna Hā 28

1. Yānīm manō, yānīm vachō, yānīm shyaothnem, ashaono zarathushtrahe,

frā ameshā spentā, gāthāo geurvāin. Nemō ve gāthāo ashaonāsh.

2. Ahyā yāsā nemanghā, ushtānazastō rafedhrahyā;

mainyeush mazdāo paourvīm, spentahyā ashā vīspeng shyaothnā;

vangheush khratūm mananghō, yā khshnevishā geushchā urvānem. (Recite this stanza twice).

3. Ye vāo mazdā ahurā, pairi-jasāi vohū mananghā;

maibyō dāvōi ahvāo, astvataschā hyatchā mananghō;

āyaptā ashāt hachā, yāish rapentō daidīt khāthre.

4. Ye vāo ashā ufyānī, manaschā vohū apaourvīm;

mazdāmchā ahurem yaēibyō, khshathremchā agzhaonvamnem;

varedaitī ārmaitish, ā mōi rafedhrāi zaveng jasatā.

5. Ye urvānem men gairīm, vohū dade hathrā mananghā;

ashīshchā shyaothananām, vidush mazdāo ahurahyā;

yavat isāi tavāchā, avat khshāi aēshe ashahyā.

6. Ashā kat thwā daresānī, manaschā vohū vaēdimnō;

gātūmchā ahurāi, sevishtāi sraoshem mazdāi;

anā māthrā mazishtem, vāurōimaidī khrafstrā hizvā.

7. Vohū gaidī mananghā, dāidī ashā dāo daregāyū;

ereshvaīsh tū ukhdhāish, mazdā zarathushtrāi aojonghvat rafenō;

ahmaibyāchā ahurā, yā daibishvatō dabaēshāo taurvayāmā.

8. Dāidī ashā tām ashīm, vangheush āyaptā mananghō;

dāidī tū ārmaitē, vishtāspāi aēshem maibyāchā;

dāostū mazdā khshayāchā, yā ve mãthrā srevimā rādao.

9. Vahishtem thwā vahishtā, yem ashā vahishtā hazaoshem;

ahurem yāsā vāunush, narōi frashaoshtrāi maibyāchā;

yaēibyaschā īt rāonghāonghōi, vīspāi yave vangheush mananghō.

10. Anāish vāo nōit ahurā mazdā, ashemchā yānāish zaranaēmā;

manaschā hyat vahishtem, yōi ve yōithemā daseme stūtām;

yūzhem zevishtayāonghō, aēshō khshathremchā savanghām.

11. At yeng ashāatchā vōistā, vangheushchā dātheng mananghō;

erethweng mazdā ahurā, aēibyō perenā apanāish kāmem;

at ve khshmaibyā asūnā vaēdā, kharethyā vaintyā sravāo.

12. Ye āish ashem nipāonghe, manaschā vohū yavaētāite;

tvem mazdā ahurā, frō mā shīshā thwahmāt vaochanghe,

manyeush hachā thwā e e āonghō, yāish ā anghush paouruyō bavāt.

13. Ahyā yāsā nemanghā, ushtānazastō rafedhrahyā;

mainyeush mazdāo paourvīm, spentahyā ashā vīspeng shyaothnā;

vangheush khratūm mananghō, yā khshnevishā geushchā urvānem. (Recite this stanza twice).

Yathā ahū vairyō (4) ; Ashem vohū (3)

Ahyā yāsām hāitīm yazamaide.

Yenghe hātām āat yesne paitī vanghō,

mazdāo ahurō vaēthā ashāt hachā,

yāonghāmchā tāschā tāoschā yazamaide.

Yasna Hā 29

1. Khshmaibyā geush urvā gerezdā, kahmāi mā thwarōzhdūm ke mā tashat;

ā mā aēshemō hazaschā remō, āhushuyā dareshchā tevishchā;

nōit mōi vāstā khshmat anyō, athā mōi sāstā vohū vāstryā.

2. Adā tashā geush peresat ashem, kathā tōi gavōi ratush;

hyat hīm dātā khshayantō, hadā vāstrā gaodāyō thwakhshō;

kem hōi ushtā ahurem, ye dregvōidibīsh aēshmem vādāyōit.

3. Ahmāi ashā nōit sarejā, advaēshō gavōi paiti-mravat;

avaēshām nōit viduye, yā shavaite ādreng ereshvāonghō;

hātām hvō aojishtō, yahmāi zaveng jimā keredushā.

4. Mazdāo sakhāre mairishtō, yā zī vāverezōi pairi-chithīt;

daēvāishchā mashyāishchā, yāchā vareshaite aipi-chthīt,

hvō vichirō ahurō, athā ne anghat, yathā hvō vasat.

5. At vāo ushtānāish ahvāo, zastāish frīnemnā ahurāi ā;

me urvā geushchā azyāo, yat mazdām dvaidī ferasābyō;

nōit erezizyōi frajyāitīsh, nōit fshuyante dregvasū pairī.

6. At e vaochat ahurō mazdāo, vīdvāo vafūsh vyānayā;

nōit aēvā ahū vistō, naēdā ratush ashātchīt hachā;

at zī thwā fshuyantaēchā, vāstryāichā thwōreshtā tatashā.

7. Tem āzūtōish ahurō mãthrem, tashat ashā hazaoshō;

mazdāo gavōi khshvīdemchā, hvō urushaēibyō spentō sāsnyā;

kaste vohū mananghā, ye ī dāyāt e e ā vā maretaēibyō.

8. Aēm mōi idā vistō, ye ne aēvō sāsnāo gūshatā;

zarathushtrō spitāmō, hvō ne mazdā vashtī ashāichā;

charekarethrā srāvayanghe, hyat hōi hudemem dyāi vakhedhrahyā.

9. Atchā geush urvā raostā, ye anaēshām khshānmene rādem;

vāchim neresh asūrahyā, yem ā vasemī īshā-khshathrem;

kadā yavā hvō anghat, ye hōi dadat zastavat avō.

10. Yūzhem aēibyō ahurā aogō, dātā ashā khshathremchā;

avat vohū mananghā, yā hushitīsh rāmāmchā dāt;

azemchīt ahyā mazdā, thwãm menghī paourvīm vaēdem.

11. Kudā ashem vohuchā manō, khshathremchā at mā masā;

yuzem mazdā frākhshnene, mazōi magāi ā paitī zānatā;

ahurā nī-nāo avare ehmā rātōish yūshmāvatām.

12. Ahyā yāsā nemanghā, ushtānazastō rafedhrahyā;

mainyeush mazdāo paourvīm, spentahyā ashā vīspeng shyaothnā;

vangheush khratūm mananghō, yā khshnevishā geushchā urvānem. (Recite this stanza twice).

Yathā ahū vairyō (4) ; Ashem vohū (3)

Khshmāvaya-geush-urvām hāitīm yazamaide.

Yenghe hātām āat yesne paitī vanghō,

mazdāo ahurō vaēthā ashāt hachā,

yāonghāmchā tāschā tāoschā yazamaide.

Yasna Hā 30

1. At tā vakhshyā ishentō, yā mazdāthā hyat-chīt vīdushē;

staotāchā ahurāi yesnyāchā, vanghēush mananghō;

humāzdrā ashā yaēchā, yā raochēbīsh daresatā urvāzā.

2. Sraotā gēush-āish vahishtā, avaēnatā sūchā mananghā;

āvarenāo vīchithahyā, narem narem khvakhyāi tanuyē;

parā mazē yāonghō, ahmāi nē sazdyāi baodantō paitī.

3. At tā mainyū pouruyē, yā yēmā khvafenā asravātem;

manahichā vachahichā, shyaothanōi hī vahyō akemchā;

āoschā hudāonghō, eresh vīshyātā nōit duzh-dāonghō.

4. Atchā hyat tā hem mainyū, jasaetem paourvīm dazde;

gaēmchā ajyāitimchā, yathāchā anghat apemem anghush,

achishtō dregvatām, at ashāune vahishtem manō.

5. Ayāo manivāo varatā, ye dregvāo achishtā verezyō;

ashem mainyush spenishtō, ye kraozhdishteng asenō vaste;

yaechā khshnaoshen ahurem, haithyāish shyaothanāish fraoret mazdãm.

6. Ayāo nōit eresh vīshyātā, daevāchinā hyat īsh āde baomā;

peresmaneng upā-jasat, hyat verenātā achisthem manō;

at aeshemem hendvārentā, yā bãnayen ahūm maretānō.

7. Ahmāichā khshathrā jasat, mananghā vohū ashāchā;

at kehrpem utayūitish, dadāt ārmaitsh ãnmā;

aeshãm tōi ā anghat, yathā ayanghā ādānāish pouruyō.

8. Atchā yadā aeshãm, kaenā, jamaiti aenanghãm;

at mazdā taibyō khshathrem, vohū mananghā voivīdāitī;

aeibyō saste ahurā, yōi ashāi daden zastayō drujem.

9. Atchā tōi vaēm khyāmā, yōi īm frashem kerenaon ahūm,

mazdāoschā ahurāonghō, āmoyastrā baranā ashāchā

hyat hathrā manāo bavat yathrā, chistish anghat maēthā.

10. Adā- zī avā drūjō avō, bavaitī skendō spayathrahyā;

at asishtā yaojante, ā hushitōish vangheush mananghō;

mazdāo ashakhyāchā, yōi zazentī vanghāu sravahī.

11. Hyat tā urvātā sashathā, yā mazdāo dadāt mashyāonghō;

khvītichā eneiti hyat-chā, daregem dregvōdebyō rashō;

savachā ashavabyō, at aipī tāish anghaitī ushtā.

12. Ahyā yāsā nemanghā, ushtānazastō rafedhrahyā;

mainyeush mazdāo paourvīm, spentahyā ashā vīspeng shyaothnā;

vangheush khratūm mananghō, yā khshnevishā geushchā urvānem. (Recite this stanza twice).

Yathā ahū vairyō (4); Ashem vohū (3)

At-tā vakhshyām hāitīm yazamaide.

Yenghe hātām āat yesne paitī vanghō,

mazdāo ahurō vaēthā ashāt hachā,

yāonghāmchā tāschā tāoschā yazamaide.

Yasna Hā 31

1. Tā vē urvātā marentō, agushtā vachāo senghāmahi;

aeibyo yōi urvātāish drujo, ashahyā gaethāo vimerenchaite;

atchit aeibyo vahishtā, yoi zarazdāo anghen mazdāi.

2. Yezi āish nōit urvāne, advāo aibi-dereshtā vakhyāo;

at vāo vīspeng āyōi, yathā ratum ahuro vaedā;

mazdāo ayāo āsayāo, yā ashāt hachā jvāmahi.

3. Yām dāo mainyu āthrāchā, ashāchā choish rānoibyā khshnutem;

hyat urvatem chazdonghvadebyo, tat ne mazdā vīdvanoi vaochā;

hizvā thwahyā āongho, yā jvanto vispeng vāurayā.

4. Yadā ashem zevim anghen, mazdāoschā ahurāongho;

ashichā ārmaiti, vahishtā ishasā mananghā;

maibyō khshathrem aojonghvat, yehyā veredā vanaemā drujem.

5. Tat mōi vichidyāi vaochā, hyat mōi ashā dātā vahyō;

Viduye vohū mananghā, menchā daidyāi yehyā mā ereshish;

Tāchit mazdā ahurā, yā nōit vā anghat anghaiti vā.

6. Ahmāi anghat vahishtem, ye mōi vidvāo vaochat haithim;

māthrem yim haurvatātō, ashahyā ameretātaschā;

mazdāi avat khshathrem yat hōi vohū vakhshat mananghā.

7. Yastā mantā pouruyō, raochebish rōithwen khvāthrā;

hvō khrathwā dãmish ashem, yā dārayat vahishtem manō;

tā mazdā mainyū ukhshyō, ye ā nūremchit ahurā hāmō.

8. At thwā menghī paourvīm, mazdā yazūm stōi mananghā;

vangheush patarem mananghō, hyat thwā hem chashmaini hengrabem;

haithīm ashahyā dāmīm, angheush ahurem shyaothanaēshū

9. Thwōi as ārmaitīsh, thwe ā geush tashā as khratūsh;

mainyush mazdā ahurā, hyat akhyāi dadāo pathãm;

vāstryāt vā āite, ye vā nōit anghat vāstryō.

10. At hī ayāo fravaretā, vāstrīm akhyāi fshuyantem;

ahurem ashavanem, vangheush fshenghīm mananghō;

nōit mazdā avāstryō, davãschinā humeretōish bakhshtā.

11. Hyat ne mazdā paourvīm, gaēthāoschā tashō daēnāoschā;

thwā mananghā khratūshchā, hyat astvantem dadāo ushtanem;

yat shyaothanāchā senghāchā, yathrā vareneng vasāo dāite.

12. Athrā vāchem baraiti, mithahvachāo vā ereshvachāo vā

vīdvao vā evīdvāo vā, ahyā zarezdāchā mananghāchā;

ānush-hakhsh ārmaitīsh, mainyū peresāite yathrā maethā.

13. Yā frasā āvishyā, yā vā mazdā peresāite tayā;

ye vā kaseush aenanghō, ā mazishtãm ayamaite būjem;

tā chashmeng thwisrā hārō, aibī ashā aibī vaenahī vīspā.

14. Tā thwā peresā ahurā, yā zī āitī jenghatichā;

yāo ishudō dadente, dāthranãm hachā ashāunō;

yāoschā mazdā dregvōdebyō, yathā tāo anghen henkeretā hyat.

15. Peresā avat yā mainish, ye dregvāite khshathrem hunāitī;

dush-shyaothanāi ahurā ye nōit, jyōtūm hanare vīnastī;

vāstryehyā aenanghō, paseush vīrāatchā adrujyantō.

16. Peresā avat yathā hvō, ye hudānush demanahyā khshathrem;

shōithrahyā vā dakhyeush vā, ashā fradathāi asperezatā;

thwāvãs mazdā ahurā, yadā hvō anghat yā shyaothanaschā.

17. Katārem ashavā vā, dregvāo vā verenvaite mazyō;

vīdvāo vīdushe mraotū, mā evīdvāo aipi-debāvayat;

zdī-ne mazdā ahurā, vangheush fradakhshtā mananghō.

18. Mā chish at ve dregvatō, māthrāschā gūshtā sāsnāoschā;

āzī demānem visem vā, shōithrem vā dakhyūm vā ādāt

dushitāchā marakaēchā, athā īsh sāzdūm snaithishā.

19. Gūshtā ye mantā ashem, ahūmbish vīdvāo ahurā;

erezhukhdhāi vachanghãm, khshayamnō hizvō-vasō;

thwā āthrā sukhrā mazdā, vanghāu vīdātā rãnayāo.

20. Ye āyat ashavanem, divamnem hōi aparem khshayō;

dareghem āyū temanghō, dushkhvarethem avaētās vachō;

tem vāo ahūm dregvantō, shyaothanāish khāish daēnā naēshat.

21. Mazdāo dadāt ahurō, haurvatō ameretātaschā;

būrōish ā ashakhyāchā, khvāpaithyāt khshathrahyā sarō;

vangheush vazdvare mananghō, ye hōi māinyū shyaothanāishchā urvathō.

22. Chithrā ī hudāonghe, yathanā vaedemnāi mananghā;

vohū hvō khshathrā ashem, vachanghā shyaothanāchā haptī;

hvō tōi mazdā ahurā, vāzishtō anghaitī astish.

23. Ahyā yāsā nemanghā, ushtānazastō rafedhrahyā;

mainyeush mazdāo paourvīm, spentahyā ashā vīspeng shyaothnā;

vangheush khratūm mananghō, yā khshnevishā geushchā urvānem. (Recite this stanza twice).

Yathā ahū vairyō (4) ; Ashem vōhū (3)

Tā-ve urvātãm hāitīm yazamaide.

Yenghe hātãm āat yesne paitī vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

Yasna Hā 32

1. Akhyāchā khvaetush yāsat, ahyā verezenem mat airyamnā;

ahyā daevā mahmī manōi, ahurahyā urvāzemā mazdāo;

thwōi dūtāonghō āonghāmā, teng dārayō yōi vāo daibishentī.

2. Aeibyō mazdāo ahurō, sāremnō vohū mananghā;

khshathrāt hachā paiti-mraot, ashā hush-hakhā khvenvātā;

spentãm ve armaitīm vanguhīm, varemaidī hā-ne anghat.

3. At yūsh daevā vīspāonghō, akāt mananghō stā chithrem;

yaschā vāo mash yazaite, drujaschā pairi-matōishchā;

shyaōmãm aipī daibitānā, yāish asrūdūm būmyāo haptaithe.

4. Yāt yūshchā framimathā, yā mashyā achishtā dantō;

vakhshente daevō-zushtā, vangheush sīzhdyamnā mananghō;

mazdāo ahurahyā, khrateush nasyantō ashāatchā.

5. Tā debenaotā mashīm, hujyātōish ameretātaschā;

hyat vāo akā mananghā, yeng daeveng akashchā mainyush;

akā shyaothanem vachanghā, yā frachinas dregvantem khshayō.

6. Pouru-aenāo enākhshtā, yāish srāvayeite yezī tāish athā;

hātā-marāne ahurā, vahishtā vōistā mananghā;

thwahmī vī mazdā khshathrōi, ashāichā senghō vīdām.

7. Aeshãm aenanghãm, naechīt vīdvāo aojōi hādrōyā;

yā jōyā senghaite, yāish srāvī khvaenā ayanghā;

yaeshãm tū ahurā irikhtem, mazdā vaedishtō ahī.

8. Aeshãm aenanghãm, vīvanghushō srāvī yimashcīt;

ye mashyeng chikhshnushō, ahmākeng gāush bagā khvāremnō;

aeshãmchīt ā ahmī thwahmī, mazdā vīchithōi aipī.

9. Dush-sastish sravāo morendat, hvō jyāteush senghanāish khratūm;

apō mā īshtīm apayantā, berekhdhãm hāitīm vangheush mananghō,

tā ukhdhā manyeush mahyā, mazdā ashāichā yūshmaibyā gereze.

10. Hvō mā-nā sravāo mōrendat, ye achishtem vaenanghe aogedā;

gãm ashibyā hvarechā, yaschā dātheng dregvatō dadāt;

yaschā vāstrā vīvāpat, yaschā vadare vōizhdat ashāune.

11. Taechīt mā mōrenden jyōtūm, yōi dregvatō mazibīsh chikōisteresh;

anguhishchā anghavashcā, apayeitī raekh-nanghō vaedem;

yōi vahishtāt ashāunō, mazdā rāreshyãn mananghō.

12. Yā rāonghayen sravanghā, vahishtāt shyaothanāt maretānō;

aeibyō mazdāo akā mraot, yōi geush mōrenden urvākhsh-ukhtī jyōtūm;

yāish gerehmā ashāt varatā, karapā khshathremchā īshanãm drujem.

13. Yā khshathrā grehmō hīshāsat, achishtahyā demāne mananghā;

angheush marekhtārō ahyā, yaechā mazdā jīgerezat kāme;

thwahyā mãthrānō dūtem, ye-īsh pāt daresāt ashahyā.

14. Ahyā gerehmō ā-hōithōi, nī kāvayaschīt khratūsh nī dadat;

varechāi hīchā fraidivā, hyat vīsentā dregvantem avō;

hyatchā gāush jaidyāi mraoī, ye dūraoshem saochayat avō.

15. Anāish ā vī-nēnāsā, yā karapōtāoschā kevītāoshchā;

avāish aibī yeng daintī, nōit jyāteush khshyamneng vasō;

tōi ābyā bairyāonte, vangheush ā -demāne Mananghō.

16. Hamem tat vahistāchīt, ye ushuruye syaschīt dahmahyā;

khshayãs mazdā ahurā, yehyā-mā āithishchīt dvaethā;

hyat aenanghe dregvatō, e-e-ānū ishyeng anghayā.

23. Ahyā yāsā nemanghā, ushtānazastō rafedhrahyā;

mainyeush mazdāo paourvīm, spentahyā ashā vīspeng shyaothnā;

vangheush khratūm mananghō, yā khshnevishā geushchā urvānem. (Recite this stanza twice).

Yathā ahū vairyō (4) ; Ashem vōhū (3)

Khvaetumaithyem hāitīm yazamaide.

Yenghe hātãm āat yesne paitī vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

Yasna Hā 33

1. Yathā āish ithā vareshaite, yā dātā angheush paouruyehyā;

ratūsh shyaothanā razishtā, dregvataechā yatchā ashaone;

yehyāchā hem-yāsaite, mithahyā yāchā hōi ā erezvā.

2. At ye akem dregvāite, vachanghā vā at vā mananhgā;

zastōibyā vā vareshaitī, vanghāu vā chōithaite astīm;

tōi vārāi rādentī, ahurahyā zaoshe mazdāo.

3. Ye ashāune vahishtō, khaētū vā at vā verezenyō;

airyamnā vā ahurā, vīdās vā thwakhshanghā gavōi;

at hvō ashahyā anghat, vangheushchā vāstre mananghō.

4. Ye thwat mazdā asrushtīm, akemchā manō yazāi apā;

khvaeteushchā taromaitīm, verezenahyāchā nazdishtãm drujem;

airyamanaschā nadentō, geushchā vāstrāt achishtem mantūm.

5. Yaste vīspe-mazishtem, seraōshem zbayā avanghāne;

apānō daregō-jyāitīm, ā-khshathrem vangheush mananghō;

ashāt ā erezush pathō yaeshu mazdāo ahurō shaetī.

6. Ye zaotā ashā erezush hvō manyeush ā vahishtāt kayā.

ahmāt avā mananghā, yā verezyeidyāi mantā vāstryā;

tā-toi izyā ahurā mazdā, darshtōishchā hem-parshtōishchā.

7. Ā-mã āidūm vahishtā, ā khvaethyācha mazdā dareshatchā;

ashā vohū mananghā, yā sruye pare magāunō;

āvish-nāo antare hentū, nemakhvaitīsh chithrāo rātayō.

8. Frō-mōi fravōizdūm arethā, tā yā vohū shavāi mananghā;

yasnem mazdā khsmāvatō, at vā ashā staomyā vachāo;

dātā ve ameretātascā, utayūitī haurvatās draonō.

9. At tōi mazdā tem mainyūm, ashaokhshayantāo saredyayāo;

khvāthrā maethā mayā, vahishtā baretū mananghā;

ayāo ārōi hākurenem, yayāo hachinte urvānō.

10. Vispāo stōi hujitayō, yāo zī āongharē yāoschā hentī,

yāoschā mazdā bavaintī, thwahmī hish zaoshe ābakhshohvā,

vohū ukhshyā mananghā, khshathrā ashāchā ushtā tanūm.

(To recite in Bāj-silence) shekasteh ghanāmenyo, bar ahereman leānat sad hazār bār.

(To recite aloud)

11. Ye sevishtō ahurō, mazdāoschā ārmaitishchā;

ashemchā frādat-gaethem, manaschā vohū khshathremchā;

sraotā mōi marezdātā mōi, ādāi kahyāichīt paitī. (Recite this stanza thrice)

12. Us mōi uzāreshvā ahurā, ārmaitī tevishīm dasvā;

spenishtā mainyū mazdā, vanghuyā zavō-ādā;

ashā hazō emavat, vohū mananghā fseratūm.

13. Rafedhrāi vouru-chashāne, dōishī mōi yā-ve abifrā;

tā khshathrahyā ahurā, yā vangheush ashish mananghō;

frō spentā ārmaite, ashā daenāo fradakhshayā.

14. At rātãm zarathushtrō, tanvaschīt khvakhyāo ushtanem;

dadāiti paurvatātem, mananghaschā vangheush mazdāi;

shyaothanahyā ashāi yāchā, ukhdhakhyāchā seraoshem khshathremchā.

15. Ahyā yāsā nemanghā, ushtānazastō rafedhrahyā;

mainyeush mazdāo paourvīm, spentahyā ashā vīspeng shyaothnā;

vangheush khratūm mananghō, yā khshnevishā geushchā urvānem.(Recite this stanza twice).

Yathā ahū vairyō (4); Ashem vōhū (3)

Yathā-āish-ithãm hāitīm yazamaide.

Yenghe hātãm āat yesne paitī vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

Yasna Hā 34

1.Yā shyaothanā yā vachanghā, yā yasnā ameretātem;

ashemchā taeibyō dāonghā, mazdā khshathremchā haurvatātō;

aeshãm tōi ahurā, ehmā pourutemāish daste.

2. At-chā ī-tōi mananghā mainyushcha vanghush vīspā dātā;

spentakhyāchā neresh shyaothanā, yehyā urvā ashā hachaite;

pairi gaethe khshmāvatō, vahme mazdā garōbīsh stūtãm.

3. At tōi myazdem ahurā, nemanghā ashāichā dāmā;

gaethāo vīspāo ākhshathrōi, yāo vohū thraoshtā mananghā;

ārōi-zī hudāonghō, vīspāish mazdā khshmāvasū savō.

4. At tōi ātarem ahurā, aojōnghvantem ashā usemahī;

asishtem emavantem, stōi rapentem chithrā-avanghem;

at mazdā daibishyante, zastā ishtāish dereshtā aenanghem.

5.Kat ve khshathrem kā ishtish, shyaothnāish mazdā yathā vāo ahmī;

ashā vohū mananghā, thrāyōidyāi drigūm yushmākem;

pare vāo vispāish pare vaokhemā, daēvāishchā khrafstrāish mashyāishchā.

6. Yezī athā stā haithīm, mazdā ashā vohū mananghā;

at tat mōi dakhshtem dātā, ahyā angheush vīspā maethā;

yathā vāo yazemnaschā, urvāidyāo stavas ayenī paitī.

7. Kuthrā tōi aredrā mazdā, yōi vangheush vaedemnā mananghō;

senghūsh raekhnāo aspenchīt, sādrāchīt chakhrayō usheurū;

naechīm tem anyem yūshmat, vaedā ashā athā-nāo thrāzdūm.

8. Tāish zī-nāo shyaothanāish byante, yaeshū as pairī pourubyō ithyejō;

hyat as aojyāo nāidyāonghem, thwahyā mazdā ãstā urvātahyā;

yōi nōit ashem mainyantā, aeibyō dūire vohū as manō.

9. Yōi spentãm ārmaitīm, thwahyā mazdā berekhdhãm vīdushō;

dush-shyaothanā avazazat, vangheush evistī mananghō;

aeibyō mash ashā syazdat, yavat ahmat aurunā khrafstrā.

10. Ahyā vangheush mananghō, shyaothanā vaochat garebãm hu-khratush;

spentãmchā ārmaitīm dãmīm, vidvāo hithãm ashahyā;

tāchā vīspā ahurā, thwahmī mazdā khshathrōi ā vōyathrā.

11. At tōi ube haurvāoschā, khvarethāi ā ameretatāoschā;

angheush khshathrā mananghō, ashā mat ārmaitish vakhsht;

utayūitī tevīshī, tāish ā mazdā vīdvaeshãm thwōi ahī.

12. Kat tōi rāzare kat vashī, kat vā stūtō kat vā yasnahyā;

srūidyāi mazdā frāvaochā, yā vīdāyāt ashish rāshnãm;

sīshā nāo ashā pathō, vangheush khvaeteng mananghō.

13. Tem advānem ahurā, yem mōi mraosh vangheush mananghō;

daenāo saoshyantãm yā, hūkeretā ashāchīt urvākhshat;

hyat chivishtā hudābyō, mīzhdem mazdā yehyā tū dathrem.

14. Tat zī mazdā vairīm, astvaite ushtānāi dātā;

Vangheush shyaothana mananghō, yōi zī geush verezene azyāo;

khshmākãm huchistīm ahurā, khrateush ashā frādō verezenā.

15. Mazdā at mōi vahishtā, sravāoschā shyaothanāchā vaochā;

tā-tū vohū mananghā, ashāchā ishudem stūtō;

khshmākā khshathrā ahurā, frashem vasnā haithyem dāo ahūm.(Recite this stanza four times).

16. Ahyā yāsā nemanghā, ushtānazastō rafedhrahyā;

mainyeush mazdāo paourvīm, spentahyā ashā vīspeng shyaothnā;

vangheush khratūm mananghō, yā khshnevishā geushchā urvānem. (Recite this stanza twice).

Yathā ahū vairyō (4); Ashem vōhū (3)

Yā-shyaothanãm hāitīm yazamaide.

Ahunavaitīm gāthãm ashaonīm ashahe ratūm yazamaide.

Ahunavaityāo gāthayāo handātā yazamaide.

Yenghe hātãm āat yesne paitī vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

(To be recited in bāj) ahuramazda khōdāe, awazūnīe mardum, mardum sardagãn hamã sardagān hambāyaste vehān, ōem behedin māzdayasnãn, āgahī āstavānī nekī rasānad; aedūn bād. (To be recited loudly) Yathā ahū vairyō (2)

Yasnemcha vahmemcha aojascha zavarecha āfrīnāmi, ahurahe mazdāo raevatō khvarenanghatō, ameshanãm spentanãm, gāthābyō spentābyō ratu-khshathrābyō ashaonibyō, ahunavaityāo gāthayāo, ushtavaityāo gāthayāo, spentā mainyeush gāthayāo, vohu-kshathrayāo gāthayāo, vahishtōishtōish gāthayāo, ashāunãm fravashinãm ughranãm aiwithūranãm, paoiryō-tkaeshanãm fravashinãm, nabā-nazdishtanãm fravashinãm. Ashem vohū (1). Ahmāi raeshcha; Hazangrem; Jasa me avanghe; Kerfeh mōzd.

Gatha Ushtavad

(Introduction: Ushtavad Gatha begins from Yasna Hā 43 and ends with Yasna Hā 46. These four chapters should be recited on the Ushtavad Gatha day.)

Khshnaothra ahurahe mazdāo. Ashem vōhū (1).

Az hamā gunāh patet pashemānum, az harvastin dushmata duzhūkhta duzhvarshta, mem pa getī manīd, oem goft, oem kard, oem jast oem bun būd ested, az ān gunāh manashnī gavashnī kunashnī, tanī ravānī getī minoānī, okhe avākhsh pashemān pa se gavashni pa petet hom. Khshnaothra ahurahe mazdāo, tarōidite angrahe mainyeush haithyāvarshtām hyat vasnā frashotemem. Staomi ashem. Ashem vohu 3.

Fravarāne mazdayasnō zarathushtrish vīdaēvo ahura-tkaēsho (Gāh according to the period of the day) frasastayaecha. Ahurahe mazdāo raevato khvarenanghato, ameshanām spentanām, gāthābyō spentābyō ratukhshathrābyō ashaonibyō, ahunavaityāo gāthayāo, ushtavaityāo gāthayāo, spentā-mainyeush gāthayāo, vohu-khshathrayāo gāthayāo, vahishtoishtōish gāthayāo, ashaonām fravashinām ughranām aivi-thūranām, paoiry-taēshanām fravashinām nabānazdishtanām fravashinām. Khshnaothra yasnāicha vahmāicha khshnaothrāicha frasastayaēcha, yathā ahū vairyō zaotā frā me mrūte, athā ratūsh ashātchit hacha frā ashava vidhvāo mraotū.

Ahurem mazdam raēvantem khvarenanghantem yazamaide; ameshā spentā hukhshathrā hudhāonghō yazamaide. Gāthāo spentāo ratukhshathrāo ashaonīsh yazamaide; ahunavaitīm gāthām ashaonīm ashahe ratūm yazamaide, ushtavaitīm gāthām ashaonīm ashahe ratūm yazamaide, spentā-mainyūm gāthām ashaonīm ashahe ratūm yazamaide, vohu-khshathrām gāthām ashaonīm ashahe ratūm yazamaide, vahishtōishtīm gāthām ashaonīm ashahe ratūm yazamaide. Ashaonām vanghuhīsh sūrāo spentāo fravashayō yazamaide. Ahunem vairīm tanūm pāiti, ahunem vairīm tanūm pāiti, ahunem vairīm tanūm pāiti; Yathā ahū vairyō (1).

Yasna Hā 43

Nemō ve gāthāo ashaonīsh.

1. Ushtā ahmāi yahmāi ushtā kahmāichīt,

vase-khshayãs mazdāo dāyāt ahurō,

utayūitī tevīshī gat tōi vasemī,

ashem deredyāi tat mōi dāo ārmaite,

rāyō ashīsh vangheush gaem mananghō.

(Recite this stanza twice).

2. atchā ahmāi vīspanãm vahishtem,

khvāthrōyā nā khvāthrem daidītā,

thwā chīchīthwā spenishtā mainyū mazdā,

yā dāo ashā vangheush māyāo mananghō,

vīspā ayāre daregō-jyātōish urvādanghā.

3. At hvō vangheush vahyō nā aibī jamyāt,

ye nāo erezūsh savanghō pathō sīshōit,

ahyā angheush astvatō mananghaschā,

haithyeng ā stīsh yeng ā shaētī ahurō,

aredrō thwāvās huzēntush spentō mazdā.

4. At thwā menghāi takhmemchā spentem mazdā,

hyat tā zastā yā-tū hafshī avāo,

yāo dāo ashīsh dregvāite ashāunaechā,

thwahyā garemā āthrō ashā-aojanghō

hyat mōi vangheush haze jimat mananghō.

5. Spentem at thwā mazdā menghī ahurā,

hyat thwā angheush zãthōi daresem paourvīm,

hyat dāo shyaothanā mīzhdavãn yāchā ukhdhā,

akem akāi vanguhīm ashīm vanghave,

thwā hunarā dāmōish urvaese apeme.

6. Yahmī spentā thwā mainyū urvaese jasō,

mazdā khshathrā ahmī vohū mananghā,

yehyā shyaothanāish gaethāo ashā frādente,

aeibyō ratush senghaitī ārmaitish,

thwahyā khrateush yem naechish dābayeitī.

Spentem at thwā mazdā menghī ahurā,

hyat mā vohū pairi-jasat mananghā,

peresatchā mā chish ahī kahyā ahī,

kathā ayāre dakhshārā ferasyāi dishā,

aibī thwāhū gaethāhū tanushichā.

8. At hōi aojī zarathushtrō paourvīm,

haithyō dvaeshāo hyat isōyā dregvāite,

at ashāune rafenō khyem aojōnghvat,

hyat ā būshtish vasase khshathrahyā dyāi,

yavat ā thwā mazdā staomi ufyāchā.

9. Spentem at thwā mazdā menghī ahurā,

hyat mā vohū pairi-jasat mananghā,

ahyā ferasem kahmāi vīvīduye vashī,

at ā thwahmāi āthre rātãm nemanghō,

ashahyā mā yavat isāi manyāi.

10. At tū mōi dāish ashem hyat mā zaozaomī,

ārmaitī hachimnō īt ārem,

peresāchā nāo yā tōi ehmā parshtā,

parshtem zī thwā yathanā tat emavatãm,

hyat thwa khshayãs aeshem dyāt emavantem.

11. Spentem at thwā mazdā menghī ahurā,

hyat mā vohū pairi-jasat mananghā,

hyat khshmā ukhdhāish dīdainghe paourvīm,

sādrā mōi sãs mashyaeshū zarazdāitish,

tat verezyeidyāi hyat mōi mraotā vahishtem.

12. hyatchā mōi mraosh ashem jasō frākhshnene,

at tū-mōi nōit asrushtā pairyaoghzhā,

uzeredyāi parā hyat moi ā-jimat,

seraoshō ashī mãzā-rayā hachimnō,

yā ve ashīsh rānōibyō savōi vīdāyāt.

13. Spentem at thwā mazdā menghī ahurā,

hyat mā vohū pairi-jasat mananghā,

arethā vōizdyāi kāmahyā tem mōi dātā,

daregahyā yāush yem vāo naechish dāreshtaite,

vairyāo stōish yā thwahmī khshathrōi vāchī.

14. Hyat nā fryāi vaēdemnō isvā daidīt,

maibyō mazdā tavā rafenō frākhshnenem,

hyat thwa khshathrā ashāt hachā frākhshtā,

uzereidyāi azem saredanāo sēnghahyā,

mat tāish vīspāish yōi tōi māthrāo marenti.

15. Spentem at thwā mazdā menghī ahurā,

hyat mā vohū pairi-jasat mananghā,

dakhshat ūshyā tūshnā maitish vahishtā,

nōit nā pourush dregvatō khyāt chikhshnushō,

at tōi vīspeng angreng ashāunō ādare.

16. At ahurā hvō mainyūm zarathushtrō,

verente mazdā yaste chishchā spenishtō,

astvat ashem khyāt ushtānā aojōnghvat,

khveng-daresōi khshathrōi khyāt ārmaitish,

ashīm shyaothanāish vohū daidīt mananghā.

17. Ushtā ahmāi yahmāi ushtā kahmāichīt,

vase-khshayãs mazdāo dāyāt ahurō,

utayūitī tevīshī gat tōi vasemī,

ashem deredyāi tat mōi dāo ārmaite,

rāyō ashīsh vangheush gaem mananghō. (Recite this stanza twice).

Ashem vohū (3). Ushtavaitīm hāitīm yazamaide.

Yenghe hātãm āat yesne paitī vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

Yasna Hā 44

1. Tat thwā peresā eresh mōi vaochā ahurā,

Nemanghō ā yathā neme khshmāvatō,

mazdā fryāi thwāvãs sakhyāt mavaite,

at ne ashā fryā dazdyāi hākurenā,

yathā-ne ā vohū jimat mananghā.

2. Tat thwā peresā eresh mōi vaochā ahurā,

kathā angheush vahishtahyā paourvīm,

kāthe sūidyāi ye-ī paitishāt,

hvō zī ashā spentō irikhtem vīspōibyō,

hārō mainyū ahūmbīsh urvathō mazdā.

3. Tat thwā peresā eresh mōi vaochā ahurā,

kasnā zãthā patā ashahyā paouruyō,

kasnā kheng staremchā dāt advānem,

kē yā māo ukhshyeitī nerefsaitī thwat,

tāchit mazdā vasemī anyāchā viduye.

4. Tat thwā peresā eresh mōi vaochā ahurā,

kasnā deretā zāmchā adenabāoschā,

ava-pastōish kē apō urvarāoschā,

kē vātāish dvānmaibyaschā yaoget āsu,

kasnā vangheush mazdā dāmish mananghā.

5. Tat thwā peresā eresh mōi vaochā ahurā,

kē hvāpāo raochāoschā dāt temāoschā,

kē hvāpāo khvafnemchā dāt zaēmāchā,

kē yā ushāo arem-pithwā khshapāchā,

yā manothrīsh chazdōnghvantem arethahyā.

6. Tat thwā peresā eresh mōi vaochā ahurā,

yā fravakhshyā yezī tā athā haithyā,

ashem shyaothanāish debāzaitī ārmaitīsh,

taibyō khshathrem vohū chinas mananghā,

kaēibyō azīm rānyō-skeretīm gām tashō.

7. Tat thwā peresā eresh mōi vaochā ahurā,

kē berekhdhām tāsht khshathrā mat ārmaitīm,

kē uzemem choret vyānayā puthrem pithre,

azem tāish thwā frākhshne avāmī mazdā,

spentā mainyū vispanām dātārem.

8. Tat thwā peresā eresh mōi vaochā ahurā,

mendaidyāi yā-tōi mazdā ādishtish,

yāchā vohū ukhdhā frashī mananghā,

yāchā ashā angheush arem vaedyāi,

kā-me urvā vohūurvāshat āgemat tā.

9. Tat thwā peresā eresh mōi vaochā ahurā,

kathā-mōi yãm yaosh daenãm yaozhdāne,

yãm hudānāush paitish-sakhyāt khshathrahyā,

ereshvā khshathrā thwāvãs asīshtīsh mazdā,

hademōi ashā vohuchā shyãs mananghā.

10. Tat thwā peresā eresh mōi vaochā ahurā,

tãm daenãm yā hātãm vahishtā,

yā-mōi gaethāo ashā frādōit hachemnā,

ārmatōish ukhdhāish shyaothanā eresh daidyat,

makhyāo chistōish thwā īshtish usen mazdā.

11. Tat thwā peresā eresh mōi vaochā ahurā,

kathā teng-ā vījemyāt ārmaitish,

yaeibyō mazdā thwōi vashyete daenā,

azem tōi āish pouruyō fravōivīde,

vīspeng anyeng manyeush spasyā dvaeshanghā.

12. Tat thwā peresā eresh mōi vaochā ahurā,

ke ashavā yāish peresāi dregvāo vā,

katārem ā angrō vā hvō vā angrō,

ye mā dregvāo thwā savā paitī-erete,

chyanghat hvō nōit ayem angrō manyete.

13. Tat thwā peresā eresh mōi vaochā ahurā,

kathā drujem nīsh ahmat ā nīsh-nāshāmā,

teng-ā avā yōi asrushtōish perenāonghō,

nōit ashahyā ādīvyeintī hachemnā,

nōit frasayā vangheush chākhnare mananghō.

14. Tat thwā peresā eresh mōi vaochā ahurā,

kathā ashāi drujem dyãm zastayō,

nī hīm merãzhdyāi thwahyā mãthrāish senghahyā,

emavaitim sinãm dāvōi dregvasū,

ā-īsh dvafsheng mazdā anāshe ãstãschā.

15. Tat thwā peresā eresh mōi vaochā ahurā,

yezī ahyā ashā pōi mat khshayehī,

hyat hem spādā anaochanghā jamaete,

avāish urvātāish yā-tū mazdā dīderezhō,

kuthrā ayāo kahmāi vananãm dadāo.

16. Tat thwā peresā eresh mōi vaochā ahurā,

ke verethrem-jā thwā pōi senghā yōi hentī,

chithrā mōi dãm ahūmbish ratūm chizhdī,

at hōi vohū seraoshō jantū mananghā,

mazdā ahmāi yahmāi vashi kahmāichīt.

17. Tat thwā peresā eresh mōi vaochā ahurā,

kathā mazdā zarem charānī hachā khshmat,

āsketīm khshmākām hyatchā mōi khyāt vākhsh aeshō,

sarōi būzhdyāi haurvātā ameretātā,

avā mãthrā ye rāthemō ashāt hachā.

18. Tat thwā peresā eresh mōi vaochā ahurā,

kathā ashā tat mīzhdem hanānī,

dasā aspāo arshnavaitīsh ushtremchā,

hyat mōi mazdā apivaitī haurvātā,

ameretātā yathā hī taēibyō dāonghā.

19. Tat thwā peresā eresh mōi vaochā ahurā,

yastat mīzhdem hanente nōit dāitī,

ye-īt ahmāi erezhukhdhāi nā dāite,

kā-tem ahyā mainish anghat pouruye,

vīdvāo avām yā-īm anghat apemā.

20. Chithenā mazdā hukhshathrā daevā āonghare,

at īt peresā yōi pishyeintī aeibyō kãm,

yāish gãm karapā usikhshchā aeshemāi dātā,

yāchā kavā ãnmene urūdōyatā,

nōit hīm mizen ashā vāstrem frādanghe.

21. Ushtā ahmāi yahmāi ushtā kahmāichīt,

vase-khshayãs mazdāo dāyāt ahurō,

utayūitī tevīshī gat tōi vasemī,

ashem deredyāi tat mōi dāo ārmaite,

rāyō ashīsh vangheush gaem mananghō. (Recite this stanza twice).

Ashem vohū (3). Tat thwā-peresãm hāitīm yazamaide.

Yenghe hātãm āat yesne paitī vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

Yasna Hā 45

1. At fravakhshyā nū gūshōdūm nū sraotā,

yaechā asnāt yaechā dūrāt ishathā,

nū īm vīspā chithre zī mazdāonghōdūm,

nōit daibitīm dush-sastish ahūm merãshyāt,

akā varanā dregvāo hizvā āveretō.

2. At fravakhshyā angheush mainyū pouruye,

yayāo spanyāo ūitī mravat yem angrem,

nōit nā manāo nōit senghā nōit khratavō,

naedā varanā, nōit ukhdhā naedā shyaothanā,

nōit daenāo nōit urvānō hachainte.

3. at fravakhshyā angheush ahyā pourvīm,

yā mōi vīdvāo mazdāo vaochat ahurō,

yōi īm ve nōit ithā mãthrem vareshentī,

yathā īm menāichā vaocha-chā,

aeibyō angheush avōi anghat apemem.

4. At fravakhshyā angheush ahyā vahishtem,

ashāt hachā mazdāo vaēdā ye īm dāt,

patarem vangheush verezyantō mananghō,

at hōi dugedā hushyaothanā ārmaitīsh,

nōit diwzaidyāi vispā hishas ahurō.

5. At fravakhshyā yat mōi mraot spentōtemō,

vache srūidyāi yat maretaēibyō vahishtem,

yōi mōi ahmāi seraoshem dān chayaschā,

upā jimen hurvātā ameretātā,

vangheush manyeush shyaothanāish mazdāo ahurō.

6. At fravakhshyā vispanām mazishtem,

stavas ashā ye hudāo yōi henti,

spentā mainyū sraotū mazdāo ahurō,

yehyā vahme vohū frashī mananghā,

ahyā khratū frō mā sāstū vahishtā.

7. Yehyā savā ishāontī rādanghō,

yōi-zī jvā āongharechā bavantichā,

ameretāitī ashāunō urvā aeshō,

utayūtā yā nerãsh sādrā dregvatō,

tāchā khshathrā mazdāo dãmish ahurō.

8. tem ne staotāish nemanghō ā vīvareshō,

nū-zīt chashmainī vyādaresem,

vangheush manyeush shyaothanahyā ukhdhakhyāchā,

vīdush ashā yem mazdãm ahurem,

at hōi vahmeng demāne garō nidāmā.

9. tem ne vohū mat mananghā chikhshnushō,

ye-ne usen chōret spenchā aspenchā,

mazdāo khshathrā varezī nāo dyāt ahurō,

pasush vīreng ahmākeng fradathāi ā,

vangheush ashā haozãthwāt ā mananghō.

10. Tem ne yasnāish ārmatōish mimaghzhō,

ye ānmenī mazdāo srāvī ahurō,

yat mōi ashā vohuchā chōisht mananghā,

khshathrōi hōi haurvātā ameretātā,

ahmāi stōi dām tevīshī utayūitī.

11. Yastā daeveng aparō mashyãschā,

tare-mãstā yōi īm tare-manyantā,

anyeng ahmāt ye hōi arem manyātā,

saoshyantō deng patōish spentā daenā,

urvathō brātā patā vā mazdā ahurā.

12. Ushtā ahmāi yahmāi ushtā kahmāichīt,

vase-khshayãs mazdāo dāyāt ahurō,

utayūitī tevīshī gat tōi vasemī,

ashem deredyāi tat mōi dāo ārmaite,

rāyō ashīsh vangheush gaem mananghō. (Recite this stanza twice).

Ashem vohū (3). At-fravakhshyãm hāitīm yazamaide.

Yenghe hātãm āat yesne paitī vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

Yasna Hā 46

1. Kãm nemōi zãm kuthrā nemō ayenī,

pairī khaeteush airyamanaschā dadaitī,

nōit mā khshnāush yā verezenā hechā,

naedā dakhyeush yōi sāstārō dregvatō,

kathā thwā mazdā khshnaoshāi ahurā.

2. Vaedā tat yā ahmī mazdā anaeshō,

mā kamnafshvā hyatchā kamnānā ahmī,

gerezōi tōi ā-īt avaenā ahurā,

rafedhrem chagvāo hyat fryō fryāi daidīt,

ākhsō vangheush ashā ishtīm mananghō.

3. Kadā mazdā yōi ukhshānō asnãm,

angheush darethrāi frō ashahyā frārente,

verezdāish senghāish saoshyantãm khratavō,

kaeibyō ūthāi vohū jimat mananghā,

maibyō thwā sāstrāi verene ahurā.

4. At teng dregvāo yeng ashahyā vazdreng pāt,

gāo frōretōish shōithrahyā vā dakhyeush vā,

duzhazōbāo hãs khvāish shyaothanāish ahemustō,

yastem khshathrāt mazdā mōithat jyāteush vā,

hvō teng frō-gāo pathmeng huchistōish charāt.

5. Ye vā khshayãs adãs drītā ayantem,

urvātōish vā huzentush mithrōibyō vā,

rashnā jvãs ye ashavā dregvantem,

vīchirō hãs tat frō khvaetave mruyāt,

uzūithyōi īm mazdā khrūnyāt ahurā.

6. At yastem nōit nā isemnō āyāt,

drūjō hvō dāmãn haithyā gāt,

hvō zī dregvāo ye dregvāite vahishtō,

hvō ashavā yahmāi ashavā fryō,

hyat daenāo paouruyāo dāo ahurā.

7. Kem nā mazdā mavaite pāyūm dadāt,

hyat mā dregvāo didareshtā aēnanghē,

anyem thwahmāt āthraschā mananghaschā

yayāo shyaothanāish ashem thraoshtā ahurā,

tām mōi dāstvām daēnayāi frāvaochā.

8. Ye vā mōi yāo gaethāo dazde aenanghe,

nōit ahyā mā āthrish shyaothanāish frosyāt,

paityaoget tā ahmāi jasōit dvaeshanghā,

tanvem ā yā im hujyātōish pāyāt,

nōit duzhjyātōish kāchit mazdā dvaeshanghā.

9. Ke hvō ye-mā aredrō chōithat pouruyō,

yathā thwā zevīshtīm uzemōhī,

shyaothanōi spentem ahurem ashavanem,

yā-tōi ashā yā ashāi geush tashā mraot,

ishentī mā tā tōi vohū mananghā.

10. Ye vā mōi nā genā vā mazdā ahurā,

dāyāt angheush yā tū vōista vahishtā,

ashīm ashāi vōhū khshathrem mananghā,

yãschā hakhshāi khshmāvatãm vahmāi ā,

frō tāish vīspāish chinvatō frafrā peretūm.

11. Khshathrāish yūjen karapanō kāvayascha,

akāish shyaothanāish ahūm merengeidyāi mashīm,

yeng khve urvā khvaechā khraodat daenā,

hyat aibī-gemen yathrā chinvatō peretush,

yavōi vīspāi drūjō demānāi astayō.

12. Yat us ashā naptyaēshū nafshuchā,

tūrahyā uzjen fryānahyā aojyaēshū,

ārmatōish gaēthāo frādō thwakhshanghā,

at ish vohū hem aibī-mōist mananghā,

aēibyō rafedhrāi mazdāo saste ahurō.

13. Ye spitāmem zarathushthrem rādanghā,

maretaeshū khshnāush hvō nā ferasrūidyāi eredhvō,

at hōi mazdāo ahūm dadāt ahurō,

ahmāi gaethāo vohū frādat mananghā,

tem ve ashā mehmaidī hush-hakhāim.

14. Zarathushtrā kaste ashavā urvathō,

mazōi magāi ke vā ferasrūidyāi vashtī,

at hvō kavā vīshtāspō yāhī,

yengstū mazdā hademōi minash ahurā,

teng zbayā vangheush ukhdhāish mananghō.

15. Haechat-aspā vakhshyā ve spitamāonghō,

hyat dātheng vīchayathā adāthãschā,

tāish yūsh shyaothanāish ashem khshmaibyā daduye,

yāish dātāish paouruyāish ahurahyā.

16. Ferashaoshtrā athrā-tū aredrāish idī,

hvōgvā tāish yeng usvahī ushtā-stōi,

yathrā ashā hachaite ārmaitish,

yathrā vangheush mananghō īshtā khshathrem,

yathrā mazdāo varedemãm shaeitī ahurō.

17. Yathrā ve afshmānī senghānī,

nōit anafshmãm de-jamāspā hvō-gvā,

hadā vestā vahmeng seraoshā rādanghō,

ye vīchinaot dāthemchā adāthemchā,

dangrā mantū ashā mazdāo ahurō.

18. Ye maibyā yaosh ahmāi aschīt vahishtā,

makhyāo ishtōish vohū chōishem mananghā‚

ãsteng ahmāi ye nāo ãstāi daidītā,

mazdā ashā khshmākem vārem khshnaoshemnō,

tat mōi khrateush mananghaschā vīchithem.

19. Ye-mōi ashāt haithīm hachā vareshaitī,

zarathushtrāi hyat vasnā ferashōtemem,

ahmāi mīzhdem hanente parāhūm,

mane-vīstāish mat vīspāish gāvā azī,

tāchīt mōi sãs tvem mazdā vaedishtō.

20. Ushtā ahmāi yahmāi ushtā kahmāichīt,

vase-khshayãs mazdāo dāyāt ahurō,

utayūitī tevīshī gat tōi vasemī,

ashem deredyāi tat mōi dāo ārmaite,

rāyō ashīsh vangheush gaem mananghō. (Recite this stanza twice).

Ashem vohū (3). Kãmnemaezãm hāitīm yazamaide.

Ushtavaitīm gāthãm ashaonīm ashahe ratūm yazamaide.

Ushtavaityāo gāthayāo handātā yazamaide.

Yenghe hātãm āat yesne paitī vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

(To be recited in bāj) Ahuramazda khōdāe, awazūnīe mardum, mardum sardagãn hamã sardagān hambāyaste vehān, ōem behedin māzdayasnãn āgahī āstavānī nekī rasānad; aedūn bād. (To be recited loudly) Yathā ahū vairyō (2)

Yasnemcha vahmemcha aojascha zavarecha āfrīnāmi, ahurahe mazdāo raevatō khvarenanguhatō, ameshanãm spentanãm, gāthābyō spentābyō ratu-khshathrābyō ashaonibyō, ahunavaityāo gāthayāo, ushtavaityāo gāthayāo, spentā mainyeush gāthayāo, vohu-kshathrayāo gāthayāo, vahishtōishtōish gāthayāo, ashāunãm fravashinãm ughranãm aiwithūranãm, paoiryō-tkaeshanãm fravashinãm, nabā-nazdishtanãm fravashinãm. Ashem vohū (1). Ahmāi raeshcha; Hazangrem; Jasa me avanghe ; Kerfeh mōzd.

Gatha Spentomad

(Introduction: Spentomad Gatha begins from Yasna Hā 47 and ends with Yasna Hā 50. These four chapters should be recited on the Spentomad Gatha day.)

Khshnaothra ahurahe mazdāo. Ashem vōhū (1).

Az hamā gunāh patet pashemānum, az harvastin dushmata duzhūkhta duzhvarshta, mem pa getī manīd, oem goft, oem kard, oem jast oem bun būd ested, az ān gunāh manashnī gavashnī kunashnī, tanī ravānī getī minoānī, okhe avākhsh pashemān pa se gavashni pa petet hom. Khshnaothra ahurahe mazdāo, tarōidite angrahe mainyeush haithyāvarshtām hyat vasnā frashotemem. Staomi ashem. Ashem vohu 3.

Fravarāne mazdayasnō zarathushtrish vīdaēvo ahura-tkaēsho (Gāh according to the period of the day) frasastayaecha. Ahurahe mazdāo raevato khvarenanghato, ameshanām spentanām, gāthābyō spentābyō ratukhshathrābyō ashaonibyō, ahunavaityāo gāthayāo, ushtavaityāo gāthayāo, spentā-mainyeush gāthayāo, vohu-khshathrayāo gāthayāo, vahishtoishtōish gāthayāo, ashaonām fravashinām ughranām aivi-thūranām, paoiry-taēshanām fravashinām, nabānazdishtanām fravashinām. Khshnaothra yasnāicha vahmāicha khshnaothrāicha frasastayaēcha, yathā ahū vairyō zaotā frā me mrūte, athā ratūsh ashātchit hacha frā ashava vidhvāo mraotū.

Ahurem mazdam raēvantem khvarenanghantem yazamaide, ameshā spentā hukhshathrā hudhāonghō yazamaide. Gāthāo spentāo ratukhshathrāo ashaonīsh yazamaide; ahunavaitīm gāthām ashaonīm ashahe ratūm yazamaide, ushtavaitīm gāthām ashaonīm ashahe ratūm yazamaide, spentā-mainyūm gāthām ashaonīm ashahe ratūm yazamaide, vohu-khshathrām gāthām ashaonīm ashahe ratūm yazamaide, vahishtōishtīm gāthām ashaonīm ashahe ratūm yazamaide. Ashaonām vanghuhīsh sūrāo spentāo fravashayō yazamaide. Ahunem vairīm tanūm pāiti, ahunem vairīm tanūm pāiti, ahunem vairīm tanūm pāiti; Yathā ahū vairyō (1).

Yasna Hā 47

1. Nemō ve gāthāo ashaonīsh.

spentā mainyū vahishtāchā mananghā,

hachā ashāt shyaothanāchā vachanghāchā,

ahmāi dãn haurvātā ameretātā,

mazdāo khshathrā ārmaitī ahurō.(Recite this stanza twice).

2. Ahyā manyeush spenishtahyā vahishtem,

Hizvā ukhdhāish vangheush e-e-ānu mananghō,

ārmatōish zastōibyā shyaothanā verezyāt;

ōyā chistī hvō patā ashahyā mazdāo.

3. Ahyā manyeush tvem ahī tā spentō,

ye ahmāi gãm rānyō-skeretīm hem-tashat,

at hōi vāstrāi rāmā-dāo ārmaitīm,

hyat hem vohū mazdā hem-frashtā mananghā.

4. Ahmāt manyeush rāreshyeintī dregvantō,

mazdā spentāt nōit ithā ashāunō,

kaseushchīt nā ashāune kāthe anghat,

isvāchīt hãs paraosh akō dregvāite.

5. Tāchā spentā mainyū mazdā ahurā,

ashāune chōish yā-zī chīchā vahishtā,

hanare thwahmāt zaoshāt dregvāo bakhshaitī,

ahyā shyaothanāish akāt āshyãs mananghō.

6. Tā dāo spentā mainyū mazdā ahurā,

āthrā vanghāu vīdāite rānōibyā,

ārmatōish debāzanghā ashakhvyāchā,

hā zī pourush ishentō vāurāite.

7. Spentā manyū vahishtāchā mananghā,

hachā ashāt shyaothanāchā vachanghāchā,

ahmāi dãn haurvātā ameretātā,

mazdāo khshathrā ārmaitī ahurō. (Recite this stanza twice).

Ashem vohū (3). Spentā mainyūm hāitīm yazamaide.

Yenghe hātãm āat yesne paiti vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

Yasna Hā 48

1. Yezī adāish ashā drujem venghaitī,

hyat ãsashutā yā daibitānā fraokhtā,

ameretāitī daevāishchā mashyāishchā,

at tōi savāish vahmem vakhshat ahurā.

2. Vaochā-mōi, yā tvem vīdvāo ahurā,

parā hyat mā yā meng perethā jimaitī,

kat ashavā mazdā venghat dregvantem,

hā-zī angheush vanguhī vistā ākeretish.

3. At vaedemnāi vahishtā sāsnanãm,

yãm hudāo sāstī ashā ahurō,

spentō vīdvāo yaechit gūzrā senghāonghō,

thwāvãs mazdā vangheush khrathwā mananghō.

4. Ye dāt manō vahyō mazdā ashyaschā,

hvō daenãm shyaothanāchā vachanghāchā,

ahyā zaosheng ushtish vareneng hachaite,

thwahmī khratāo apemem nanā anghat.

5. Hukhshathrā khshentãm mā ne dush-khshathrā khshentā,

vanghuyāo chishtōish shyaothnāish ārmaite,

yaozhdāo mashyāi aipī zāthem vahishtā

gavōi verezyātãm tãm ne khvarethāi fshuyō.

6. Hā-zī-ne hushōithemā hā-ne utayūitīm,

dāt tevīshīm vangheush mananghō berekhdhe,

at akhyāi ashā mazdāo urvarāo vakhshat,

ahurō angheush zãthōi paouruyehyā.

7. Nī-aeshemō nī-dyātãm paiti remem paiti-syōdūm,

yōi ā vangheush mananghō dīdraghzhōduye,

ashā vyãm yehyā hithāush nā spentō,

at hōi dāmãm thwahmī ā-dãm ahurā.

8. Kā-tōi vangheush mazdā khshathrahyā īshtish,

kā-tōi ashōish thwakhyāo maibyō ahurā,

kā thwōi ashā ākāo aredreng ishyā,

vangheush manyeush shyaothnanãm javarō.

9. Kadā vaedā yezī chahyā khshayathā,

mazdā ashā yehyā-mā āithish dvaethā,

eresh-mōi erezhūchãm vangheush vafush mananghō,

vīdyāt saoshyãs yathā hōi ashish anghat.

10. Kadā mazdā mānarōish narō vīsente,

kadā ajen mūthrem ahyā madahyā,

yā angrayā karapanō urūpayeintī,

yāchā khratū dushe-khshathrā dakhyunãm.

11. Kadā mazdā ashā mat ārmaitish,

jimat khshathrā hushitish vāstravaitī,

kōi dregvōdebīsh khrūrāish rāmãm dāonte,

keng ā angheush jimat mananghō chistish.

12. At tōi anghen saoshyantō dakhyunãm,

yōi khshnūm vohū mananghā hachāonte,

shyaothanāish ashā thwahyā mazdā senghahayā,

tōi zī data hamaestārō aeshem mahyā.

13. Spentā manyū vahishtāchā mananghā,

hachā ashāt shyaothanāchā vachanghāchā,

ahmāi dãn haurvātā ameretātā,

mazdāo khshathrā ārmaitī ahurō.(Recite this stanza twice).

Ashem vohū (3). Yezi idhãm hāitīm yazamaide.

Yenghe hātãm āat yesne paiti vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

Yasna Hā 49

1. At mā yavā bendvō pafre mazishtō,

Ye dush-erethrīsh chikhshnushā ashā mazdā,

vanguhī ādā gaidī mōi ā-mōi arapā,

ahyā vohū āōshō vīdā mananghā.

2. At ahyā mā bendvahyā mānayeitī,

tkaeshō dregvāo daibitā ashāt rāreshō,

nōit spentãm dōresht ahmāi stōi ārmaitīm,

naedā vohū mazdā frashtā mananghā.

3. Atchā ahmāi varenāi mazdā nidātem,

ashem sūidyāi tkaeshāi rāshayenghe drukhsh,

tā vangheush sare izyā mananghō,

antare vīspeng dregvatō hakhmeng antare-mrūye.

4. Yōi dush-khrathwā aeshemem vareden rāmemchā,

khvāish hizubīsh fshuyasū afshuyantō,

yaeshãm nōit hvarshtāish vãs duzhvarshtā,

tōi daeveng dãn yā dregvatō daenā.

5. At hvō mazdā īzhāchā āzūitishchā,

ye daenãm vohū sārshtā mananghā,

ārmatōish kaschīt ashā huzentush,

tāishchā vīspāish thwahmī khshathrōi ahurā.

6. Frō vāo fraeshyā mazdā ashemchā mrūite

yā ve khrateush khshmākahyā ā-mananghā,

eresh vīchidyāi yathā-ī srāvayaemā,

tãm daenãm yā khshmāvatō ahurā.

7. Tatchā vohū mazdā sraotū mananghā,

sraotū ashā gushahvā-tū ahurā,

ke airyamā ke khvaetush dātāish anghat,

ye verezenāi vanguhīm dāt frasastīm.

8. Ferashaoshtrāi urvāzishtãm ashahyā dāo,

sarem tat thwā mazdā yāsā ahurā,

maibyāchā yãm vanghāu thwahmī a-khshathrōi,

yavōi vīspāi fraeshtāonghō āonghāmā.

9. Sraotū sāsnāo fshenghyō suye tashtō,

nōit eresh-vachāo sarem dadãs dregvātā,

hyat daenāo vahishte yūjen mīzhde,

ashā yukhtā yāhi de-jāmāspā.

10. Tatchā mazdā thwahmī ādãm nipāonghe,

manō vohū urunaschā ashāunãm,

nemaschā yā ārmaitish īzhāchā,

mãzā khshathrā vazdanghā avemīrā.

11. At dushkhshathreng dush-shyaothaneng duzhvachangō,

duzh-daeneng dush-mananghō dregvatō,

akāish khvarethāish paitī urvānō paityeintī,

drujō demāne haithyā anghen astayō.

12. Kat tōi ashā zbayente avanghō,

zarathushtrāi kat tōi vohū mananghā,

ye ve staotāish mazdā frināi ahurā,

avat yāsãs hyat ve ishtā vahishtem.

13. Spentā manyū vahishtāchā mananghā,

hachā ashāt shyaothanāchā vachanghāchā,

ahmāi dãn haurvātā ameretātā,

mazdāo khshathrā ārmaitī ahurō.(Recite this stanza twice).

Ashem vohū (3). At-māyavãm hāitīm yazamaide.

yenghe hātãm āat yesne paiti vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

Yasna Hā 50

1. Kat mōi urvā ise chahyā avanghō,

ke-mōi paseush ke me nā thrātā vistō,

anyō ahsāt thwatchā mazdā ahurā,

azdā zūtā vahishtāatchā mananghō.

2. Kathā mazdā rānyō-skeretīm gãm ishasōit,

ye-hīm ahmāi vāstravaitīm stōi usyāt;

erezhejīsh ashā pourushū hvare-pishyasū

ākāsteng mā nishãsyā dāthem dāhvā.

3. Atchīt ahmāi mazdā ashā anghaitī,

yãm hōi khshathrā vohuchā chōisht mananghā,

ye-nā ashōish aojanghā varedayaetā,

yãm nazdishtãm gaethãm dregvāo bakhshaitī.

4. At vāo yazāi stavas mazdā ahurā,

hadā ashā vahishtāchā mananghā,

khshathrāchā yā īshō stāonghat ā-paithī,

ākāo aredreng demāne garō seraoshāne.

5. Arōi-zī khshmā mazdā ashā ahurā,

hyat yūshmākāi mãthrāne vaorāzathā,

aibī-dereshtā āvīshyā avanghā,

zastāishtā yā-nāo khvāthre dāyāt.

6. Ye mãthrā vāchem mazdā baraitī,

urvathō ashā nemanghā zarathushtrō,

dātā khrateush hizvō raithīm stōi,

mahyā rāzeng vohū sāhīt mananghā.

7. At ve yaojā zevīshtyeng urvatō,

jayāish perethūsh vahmahyā yūshmākahyā,

mazdā ashā ugreng vohū mananghā,

yāish azāthā mahmāi khyātā avanghe.

8. Mat vāo padāish yā frasrūtā īzhayāo,

pairi-jasāi mazdā ustāna zastō,

at vāo ashā aredrakhyāchā nemanghā,

at vāo vangheush mananghō hunaretātā.

9. Tāish vāo yasnāish paiti stavas ayenī,

mazdā ashā vangheush shyaothanāish mananghō,

yadā ashōish makhyāo vase khshayā,

at hudānāush ishayãs gerezdā khyem.

10. At yā vareshā yāchā pairī āish shyaothanā,

yāchā vohū chashmãm arejat mananghā,

raochāo khveng asnãm ukhshā ae-urush,

khshmākāi ashā vahmāi mazdā ahurā.

11. At ve staotā aojāi mazdā āonghāchā,

yavat ashā tavāchā isāichā,

data angheush aredat vohū mananghā,

haithyā-varshtãm hyat vasnā ferashōtemem.

12. Spentā manyū vahishtāchā mananghā,

hachā ashāt shyaothanāchā vachanghāchā,

ahmāi dãn haurvātā ameretātā,

mazdāo khshathrā ārmaitī ahurō.(Recite this stanza twice).

Ashem vohū (3). Kat-mōi-urvãm hāitīm yazamaide.

Spentā-mainyūm gāthãm ashaonīm ashahe ratūm yazamaide.

spentā-mainyeush gāthayāo handātā yazamaide.

Yenghe hātãm āat yesne paitī vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

(To be recited in bāj) Ahuramazda khōdāe, awazūnīe mardum, mardum sardagãn hamã sardagān hambāyaste vehān, ōem behedin māzdayasnãn, āgahī āstavānī nekī rasānad; aedūn bād. (To be recited loudly) Yathā ahū vairyō (2)

Gatha Vohu-Khshathra

(Introduction: Vohu-khshathra Gatha has only Yasna Hā 51. It should be recited on the Vohu-khshathra Gatha day.)

Khshnaothra ahurahe mazdāo. Ashem vōhū (1).

Az hamā gunāh patet pashemānum, az harvastin dushmata duzhūkhta duzhvarshta, mem pa getī manīd, oem goft, oem kard, oem jast oem bun būd ested, az ān gunāh manashnī gavashnī kunashnī, tanī ravānī getī minoānī, okhe avākhsh pashemān pa se gavashni pa petet hom. Khshnaothra ahurahe mazdāo, tarōidite angrahe mainyeush haithyāvarshtām hyat vasnā frashotemem. Staomi ashem. Ashem vohu 3.

Fravarāne mazdayasnō zarathushtrish vīdaēvo ahura-tkaēsho (Gāh according to the period of the day) frasastayaecha. Ahurahe mazdāo raevato khvarenanghato, ameshanām spentanām, gāthābyō spentābyō ratukhshathrābyō ashaonibyō, ahunavaityāo gāthayāo, ushtavaityāo gāthayāo, spentā-mainyeush gāthayāo, vohu-khshathrayāo gāthayāo, vahishtoishtōish gāthayāo, ashaonām fravashinām ughranām aivi-thūranām, paoiryo-tkaēshanām fravashinām nabā-nazdishtanām fravashinām. Khshnaothra yasnāicha vahmāicha khshnaothrāicha frasastayaēcha, yathā ahū vairyō zaotā frā me mrūte, athā ratūsh ashātchit hacha frā ashava vidhvāo mraotū.

Ahurem mazdam raēvantem khvarenanghantem yazamaide, ameshā spentā hukhshathrā hudhāonghō yazamaide. Gāthāo spentāo ratukhshathrāo ashaonīsh yazamaide; ahunavaitīm gāthām ashaonīm ashahe ratūm yazamaide, ushtavaitīm gāthām ashaonīm ashahe ratūm yazamaide, spentā-maiyūm gāthām ashaonīm ashahe ratūm yazamaide, vohu-khshathrām gāthām ashaonīm ashahe ratūm yazamaide, vahishtōishtīm gāthām ashaonīm ashahe ratūm yazamaide. Ashaonām vanghuhīsh sūrāo spentāo fravashayō yazamaide. Ahunem vairīm tanūm pāiti, ahunem vairīm tanūm pāiti, ahunem vairīm tanūm pāiti; Yathā ahū vairyō (1).

Yasna Hā 51

Nemō ve gāthāo ashaonīsh!

1. Vohū khshathrem vairīm, bāgem aibī-bairishtem;

vīdīshemnāish īzhāchīt, ashā antare-charaitī;

shyaothanāish mazdā vahishtem, tat ne nūchīt vareshāne.(Recite this stanza twice).

2. Tā-ve mazdā paourvīm, ahurā ashāi yechā;

taibyāchã ārmaite, dōishā-mōi ishtōish khshathrem;

khshmākem vohū mananghā, vahmāi dāidī savanghō.

3. Ā-ve geush ā hemyantū, yōi ve shyaothanāish sārente;

ahurō ashā hizvā, ukhdhāish vangheush mananghō;

yaeshãm tū pouruyō, mazdā fradakhshtā ahī.

4. Kuthrā ārōish ā fseratush, kuthrā merezhdikā akhshtat;

kuthrā yasō khyen ashem, kū spentā ārmaitish;

kuthrā manō vahishtem, kuthrā thwā khshathrā mazdāo.

5. Vīspā-tā peresãs, yathā ashāt hachā gãm vīdat;

vāstryō shyaothanāish, ereshvō hãs hu-khratush nemanghā;

ye dāthaeibyō eresh-ratūm, khshayãs ashivāo chistā.

6. Ye vahyō vangheush dazde, yaschā hōi vārāi rādat;

ahurō khshathrā mazdāo, at ahmāi akāt ashyō;

ye hōi nōit vīdāitī, apeme angheush urvaese.

7. Dāidī-mōi ye gãm tashō, apaschā urvarāoschā;

Ameretātā haurvātā, spenishtā mainyū mazdā;

tevīshī utayūitī, mananghā vohū senghe.

8. At zī tōi vakhshyā, mazdā vīdushe zī-nā mruyāt;

hyat akōyā dregvāite, ushtā ye ashem dādre;

hvō zī mãthrā shyātō, ye vīdushe mravaitī.

9. Yãm khshnūtem rānōibyā dāo, thwā āthrā sukhrā mazdā;

ayanghā khshustā, aibī ahvāhū dakhshtem dāvōi;

rāshyenghe dregvantem, savayō ashavanem.

10. At ye mā-nā marekhshaite, anyāthā ahmāt mazdā;

hvō dāmōish drujō hunush, tā duzhdāo yōi hentī;

maibyō zbayā ashem, vanghuyā ashī gat te.

11. Ke urvathō spitamāi, zarathushtrāi nā mazdā;

ke vā ashā āfrashtā, kā spentā ārmaitish;

ke vā vangheush mananghō, achistā magāi ereshvō.

12. Nōit tā-īm khshnāush vaepayō, kevīnō peretō zemō;

zarathushtrem spitāmem, hyat ahmī urūraost astō;

hyat hōi īm charataschā, aodereshchā zōishenū vāzā,

13. Tā dregvatō maredaitī, daenā erezāush haithīm;

yehyā urvā khraodaitī, chinvatō peretāo ākāo;

khvāish shyaothanāish hizvaschā, ashahyā nãsvāo pathō.

14. Nōit urvāthā dātōibyaschā, karapanō vāstrāt arem;

gavōi ārōish āsendā khvāish, shyaothanāishchā senghāishchā;

ye-īsh senghō apemem, drujō demāne ādāt.

15. Hyat mīzhdem zarathushtrō, magavabyō chōisht parā;

garō demāne ahurō, mazdāo jasat pouruyō;

tā ve vohū mananghā, ashāichā savāish chivīshī.

16. Tãm kavā vishtāspō, magahyā khshathrā nãsat;

vangheush padebīsh mananghō, yãm chistīm ashā mantā;

spentō mazdāo ahurō, athā-ne sazdyāi ushtā.

17. Berekhdhãm mōi ferashaoshtrō, hvō-gvō daedōisht kehrpem;

daenayāi vanghuyāi, yãm hōi ishyãm dātū,

khshayãs mazdāo ahurō, ashahyā āzhdyāi gerezdūm.

18. Tãm chistīm de-jāmāspō, hvōgvō ishtōish khvarenāo;

ashā verentō tat khshathrem, mananghō vangheush vīdō;

tat mōi dāidī ahurā, hyat mazdā rapen tavā.

19. Hvō tat nā maidyō-māonghā, spitamāi ahmāi dazde;

daenayā vaedemnō, ye ahūm ishasãs aibī;

mazdāo dātā mraot, gayehyā shyaothanāish vahyō.

20. tat ve-ne hazaoshāonghō, vīspāonghō daidyai savō;

ashem vohū mananghā, ukhdhā yāish ārmaitish;

yazemnāonghō nemanghā, mazdāo rafedhrem chagedō.

21. Ārmatōish nā spentō, hvō chistī ukhdhāish shyaothanā;

Daenā ashem spenvat, vohū khshathrem mananghā;

mazdāo dadāt ahurō, tem vanguhīm yāsā ashīm.

22. Yehyā mōi ashāt hachā, vahishtem yesne paitī,

vaedā mazdāo ahurō, yōi āongharechā hentichā,

tã yazāi khvāish nāmenīsh, pairichā jasāi vantā.

23. Vohū khshathrem vairīm, bāgem aibī-bairishtem;

vīdīshemnāish īzhāchīt, ashā antare-charaitī;

shyaothanāish mazdā vahishtem, tat ne nūchīt vareshāne.(Recite this stanza twice).

Ashem vōhū (3)

Vohu-khshathrãm hāitīm yazamaide.

vohu-khshathrãm gāthãm ashaonīm ashahe ratūm yazamaide.

vohu-khshathrayāo gāthayāo handātā yazamaide.

Yenghe hātãm āat yesne paitī vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

(To be recited in bāj) ahuramazda khōdāe, awazūnīe mardum, mardum sardagãn hamã sardagān hambāyaste vehān, ōem behedin māzdayasnãn āgahī āstavānī nekī rasānad; aedūn bād. (To be recited loudly) yathā ahū vairyō (2)

Yasnemcha vahmemcha aojascha zavarecha āfrīnāmi, ahurahe mazdāo raevatō khvarenanghatō, ameshanãm spentanãm, gāthābyō spentābyō ratu-khshathrābyō ashaonibyō, ahunavaityāo gāthayāo, ushtavaityāo gāthayāo, spentā mainyeush gāthayāo, vohu-kshathrayāo gāthayāo, vahishtōishtōish gāthayāo. Ashāunãm fravashinãm ughranãm aiwithūranãm, paoiryō-tkaeshanãm fravashinãm, nabā-nazdishtanãm fravashinãm. Ashem vohū (1). Ahmāi raeshcha; Hazangrem; Jasa me avanghe; Kerfeh mōzd.

Gatha Vahistoisht

(Introduction: Vahistōisht Gatha has only Yasna Hā 53. It should be recited on the Vahistōisht Gatha day.)

Khshnaothra ahurahe mazdāo. Ashem vōhū (1).

Az hamā gunāh patet pashemānum, az harvastin dushmata duzhūkhta duzhvarshta, mem pa getī manīd, oem goft, oem kard, oem jast oem bun būd ested, az ān gunāh manashnī gavashnī kunashnī, tanī ravānī getī minoānī, okhe avākhsh pashemān pa se gavashni pa petet hom. Khshnaothra ahurahe mazdāo, tarōidite angrahe mainyeush haithyāvarshtām hyat vasnā frashotemem. Staomi ashem. Ashem vohu 3.

Fravarāne mazdayasnō zarathushtrish vīdaēvo ahura-tkaēsho (Gāh according to the period of the day) frasastayaecha. Ahurahe mazdāo raevato khvarenanghato, ameshanām spentanām, gāthābyō spentābyō ratukhshathrābyō ashaonibyō, ahunavaityāo gāthayāo, ushtavaityāo gāthayāo, spentā-mainyeush gāthayāo, vohu-khshathrayāo gāthayāo, vahishtoishtōish gāthayāo, ashaonām fravashinām ughranām aivi-thūranām, paoiry-taēshanām fravashinām nabānazdishtanām fravashinām. Khshnaothra yasnāicha vahmāicha khshnaothrāicha frasastayaēcha, yathā ahū vairyō zaotā frā me mrūte, athā ratūsh ashātchit hacha frā ashava vidhvāo mraotū.

Yasna Hā 53

Nemō ve gāthāo ashaonīsh!

1. Vahishtā īshtish srāvī, zarathushtrahe,

spitāmahyā yezī hōi dāt āyaptā,

ashāt hachā ahurō mazdāo, yavōi vīspāi ā hvanghevīm;

yaechā hōi daben sashkenchā, daenayāo vanghuyāo ukhdhā shyaothanāchā. (Recite this stanza twice).

2. atchā hōi schantū mananghā, ukhdhāish shyaothanāishchā,

khshnūm mazdāo vahmāi, ā fraoret yasnãschā,

kavachā vishtāspō, zarathushtrish spitāmō, frashaoshtraschā;

dāonghō erezush pathō, yãm daenãm ahurō, saoshyantō dadāt.

3. Temchā-tū pouruchistā, haechat-aspānā;

spitāmī yezivī dugedrãm, zarathushtrahe;

vangheush paityāstem mananghō, ashahyā mazdāoschā taibyō dāt sarem;

athā hem ferashvā thwa, khrathwā spenishtā ārmatōish, hudānvareshvā.

4. Tem zī vī speredānī varānī, yā fedhrōi vīdāt;

paithyaechā vāstraeibyō, atchā khvaetaove;

ashāunī ashavabyō, mananghō vangheush khvenvat, hanghush me be-et ush;

mazdāo dadāt ahurō, daenayāi vanghuyāi, yavōi vīspāi ā.

5. Sākhvenī vazyamnābyō, kainibyō mraomī;

khshmaibyāchā vademnō, menchā-ī mãzdazdūm;

vaedōdūm daenābish, abyastā ahūm ye, vangheush mananghō;

ashā ve anyō ainīm, vīvenghatū tat zī hōi, hushenem anghat.

6. Ithā ī haithyā narō, athā jenayō;

drujō hachā rāthemō, yeme spashuthā frāidīm;

drujō āyese hōish, pithā tanvō parā;

vayū-beredubyō, dush-khvarethem, nãsat khvāthrem;

dregvōdebyō dejīt-aretaeibyō, anāish ā manahīm ahūm, merengeduye.

7. Atchā ve mīzhdem anghat, ahyā magahyā;

yavat āzhush zarazdishtō būnōit hakhtayāo;

parachā mraochãs aorāchā, yathrā mainyūsh dregvatō, anãsat parā;

ivīzayathā magem, tem at ve vayōi, anghaitī apemem vachō.

8. Anāish ā duzh-vareshnanghō, dafshnyā hentū;

zakhyāchā vīspāonghō, khraosentãm upā;

hukhshathrāish jenerãm khrūnerãmchā, rāmãmchāāish dadātū, shyeitibyō vīzhibyō;

īratū īsh dvafshō hvō, derezā merethyāush mazishtō, moshuchā astū.

9. Duzhvarenāish vaeshō rāstī tōi, narepish rajīsh,

aeshasā dejīt-aretā, peshō-tanvō,

kū ashavā ahurō, ye īsh jyāteush hemithyāt, vase-itōishchā;

tat mazdā tavā khshathrem, yā erezhejyōi dāhī, drigaovevahyō.(Recite this stanza thrice).

10. Vahishtā īshtish srāvī, zarathushtrahe,

spitāmahyā yezī hōi dāt āyaptā,

ashāt hachā ahurō mazdāo, yavōi vīspāi ā hvanghevīm;

yaechā hōi daben sashkenchā, daenayāo vanghuyāo ukhdhā shyaothanāchā. (Recite this stanza twice).

Ashem vōhū (3)

Vahishtōishtīm hāitīm yazamaide.

Vahishtōishtīm gāthãm ashaonīm ashahe ratūm yazamaide.

Vahishtōishtayāo gāthayāo handātā yazamaide.

Yenghe hātãm āat yesne paitī vanghō,

mazdāo ahurō vaethā ashāt hachā,

yāonghãmchā tãschā tāoschā yazamaide.

1200 Yatha Ahu Vairyos

(Introduction: This prayer has to be done only during the last 5 days of the Muktad, that is from Ahunavad gatha to Vahistoisht gatha. It has to be done if one is not praying the Five gatha prayers. If one is doing the Five gatha prayers, there is no need to do this prayer. It can either be done at the Agyari where the Muktād are observed, or it can be recited even at home.)

Khshnothra Ahurahe Mazdāo. Ashem Vohu (1).

Pa nãme yazdãn Hormazd khodāe awazuni gorje khoreh awazāyād, geh gāthābyo geh Ahunavad, geh Ushtavad, geh Spentomad, geh Vohu-khshathra, geh Vahistoisht, geh gāthābyo Ardā-fravash be-rasād.

Fravarāne Mazdayasno Zarathushtrish vidaevo Ahura-tkaesho (Recite the appropriate short geh) frasastayaecha. Ahurahe Mazdāo raevato khvare-nanghato, Ameshanãm Spentanãm, Gāthābyo spentābyo ratu-khsahtrābyo, ashao-nibyo, Ahunavaityāo gāthayāo, Ushtavaityāo gāthayāo, Spentā Mainyeush gāthayāo, Vohu-khshathrayā gāthayāo Vahistoishtoish gāthayāo, ashāunãm fravashinãm ughranãm aiwi-thuranãm Paoiryo-tkaeshanām fravashinãm, Nabā-naz-dishta-nãm fravashinãm, khshnaothra yasnāicha vahmāicha khshnaothrāicha frasastayaecha, yathā āhu vairyo zaotā frā me mrute, athā ratush ashātchit hachā, frā ashava vidhvāo mraotu.

Ahurem Mazdām raevantem kharenanghantem yazamaide, Ameshā Spentā hu-khshathra hu-dhāongho yazamaide, Gāthāo spentāo ratu-khsahtrāo, ashaonish yazamaide, Ahunavaitim gāthām ashaonim ashahe ratum yazamaide, Ushtavaitim gāthām ashaonim ashahe ratum yazamaide, Spentā Mainyum gāthām ashaonim ashahe ratum yazamaide, Vohu-khshathrām gāthām ashaonim ashahe ratum yazamaide, Vahistoishtim gāthām ashaonim ashahe ratum yazamaide. Ashāunãm vanghuhish surāo spentāo fravashyo yazamaide. Ahunem vairim tanum pāiti, Ahunem vairim tanum pāiti, Ahunem vairim tanum pāiti.

Recite fully 1200 Yathā ahu vairyo.

(14) Yasnemcha vahmemcha aojascha zavarecha āfrināmi, Ahurahe Mazdāo raevato khvare-nanghato, Ameshanãm Spentanãm, Gāthābyo spentābyo ratu-khsahtrābyo, ashao-nibyo, Ahunavaityāo gāthayāo, Ushtavaityāo gāthayāo, Spentā Mainyeush gāthayāo, Vohu-khshathrayā gāthayāo Vahistoishtoish gāthayāo, ashāunãm fravashinãm ughranām aiwi-thuranãm, Paoiryo-tkaeshanãm fravashinãm, Nabā-naz-dishta-nãm fravashinãm. Recite fully 1 Ashem vohu.

Ahmāi raeshcha, Hazanghrem, Jasa me avanghe Mazda, Kerfeh mozd. (Recite fully these 4 short prayers.)

Stum-no-Kardo

(Introduction: This prayer can be recited in memory of a dear departed one. If it is prayed with an offering, it becomes a ritual. Traditionally, the best offering is food (cooked by a Zoroastrian), but if that is not possible one can place a fruit, milk or even plain water. The names of departed ones have to be taken in the Pazand section of the prayer. The names have to be taken along with the name of the father, or the husband in case of a married lady. If one does not know the name of the father/husband, one can recite ‘Nar-asho’ after the name of the deceased. If one has to pray for a child which is not yet named, the term ‘Vahmān’ is to be used. The names have to be prefixed by the religious titles like Khud, Behdin, Osta, Osti or Ervad.)

Khshnothra Ahurahe Mazdāo. Ashem Vohu (1).

Pa nãme yazdãn Hormazd khodāe awazuni gorje khoreh awazāyād, ‘Ardā-fravash be-rasād’ (During the Gatha days, instead of ‘Ardā-fravash be-rasād’ recite ‘geh gāthābyo geh Ahunavad, geh Ushtavad, geh Spentomad, geh Vohu-khshathra, geh Vahistoisht, geh gāthābyo Ardā-fravash be-rasād’)

Fravarāne Mazdayasno Zarathushtrish vidaevo Ahura-tkaesho (Recite the appropriate short geh) frasastayaecha. Ahurahe Mazdāo raevato khvare-nanghato, Ameshanãm Spentanãm, (During the Gatha days, insert this text here, ‘Gāthābyo spentābyo ratu-khsahtrābyo, ashao-nibyo, Ahunavaityāo gāthayāo, Ushtavaityāo gāthayāo, Spentā Mainyeush gāthayāo, Vohu-khshathrayā gāthayāo Vahistoishtoish gāthayāo’) ashāunãm fravashinãm ughranãm aiwi-thuranãm Paoiryo-tkaeshanām fravashinãm, Nabā-naz-dishta-nãm fravashinãm, khshnaothra yasnāicha vahmāicha khshnaothrāicha frasastayaecha, yathā āhu vairyo zaotā frā me mrute, athā ratush ashātchit hachā, frā ashava vidhvāo mraotu.

Ahurem Mazdām raevantem kharenanghantem yazamaide, Ameshā Spentā hu-khshathra hu-dhāongho yazamaide (During the Gatha days, insert this text here, ‘Gāthāo spentāo ratu-khsahtrāo, ashaonish yazamaide, Ahunavaitim gāthām ashaonim ashahe ratum yazamaide, Ushtavaitim gāthām ashaonim ashahe ratum yazamaide, Spentā Mainyum gāthām ashaonim ashahe ratum yazamaide, Vohu-khshathrām gāthām ashaonim ashahe ratum yazamaide, Vahistoishtim gāthām ashaonim ashahe ratum yazamaide).

(1) Ashāunãm vanghuhish surāo spentāo fravashyo, staomi, zbayemi, ufyemi yazamaide, nmānyāo visyāo zantu-māo dakhyu-māo zarathustro-temāo.

(2) Vispa-nãmcha āongh-hãm paoiryanãm, fravashinãm idha yazamaide, fravashim avãm yãm Ahure Mazadāo, mazish-tãmcha, vahish-tãmcha sraesh-tãmcha, khraoz-dish-tãmcha, khrath-wish-tãmcha, hu-kerep-temãmcha, ashāt apano-temãmcha.

(3) Ashāunãm vanghuhish surāo spentāo fravashyo yazamaide, yāo amesha-nãm spenta-nãm, shaeta-nãm, verezi-doithra-nãm, bereza-tãm, aiwyāma-nãm, takhma-nãm, āhuirya-nãm, yoi aithye-jangho ashavano.

(4) Paoirya-nãm tkaesha-nãm, paoirya-nãm sãsno-gushãm, idha ashao-nãm, ashaoni-nãmcha ahumcha, daenãmcha, baodhascha, urvãnemcha, fravashimcha yazamaide. Yoi ashāi vao-nare geush, hudhāongho urvãnem yazamaide.

(5) Yoi ashāi vao-nare, gayehe marethno ashaono fravashim yazamaide. Zarathustrahe Spitāmahe idha ashaono ashimcha fravashimcha yazamaide. Kavoish Vishtāspahe ashaono fravashim yazamaide. Isat-vāstryehe Zarathustroish ashaono fravashim yazamaide.

(6) Nabā-nazdista-nãm idha ashaonãm ashaoni-nãmcha, ahumcha, daenãmcha, baodhascha, urvãnemcha, fravashimcha yazamaide. Yoi ashāi vao-nare, mat vispābyo ashaonibyo, fravashibyo, yāo iri-rithu-shãm ashaonãm, yāoscha zvantãm ashaonãm, yāoscha narãm azātanãm frasho-chere-thrãm saoshyantãm.

(7) Idha iristanãm urvãno yazamaide, yāo ashaonãm fravashayo. Vispa-nãm ahmya nmāne nabā-naz-dishtanãm, para irista-nãm, aethra-paiti-nãm, aethraya-nãm, narãm, nāiri-nãm idha ashao-nãm, ashaoni-nãm fravashayo yazamaide.

(8) Vispa-nãm aethra-paiti-nãm ashaonãm fravashayo yazamaide. Vispa-nãm aethraya-nãm ashonãm fravashayo yazamaide, vispa-nãm narãm ashonãm fravashayo yazamaide. Vispa-nãm nāiri-nãm ashaoni-nãm fravashayo yazamaide.

(9) Vispa-nãm apere-nāyuka-nãm dahmo-kereta-nãm ashaonãm fravashayo yazamaide. Ā-dukhyu-nãmcha ashaonãm fravashayo yazamaide. Uz-dakhyu-nãmcha ashaonãm fravashayo yazamaide.

(10) Narãmcha ashaonãm fravashayo yazamaide. Nāiri-nãmcha ashaoni-nãm fravashayo yazamaide. Vispāo ashaonãm vanghu-hish surāo spentāo fravashayo yazamaide. Yāo hacha Gayāt Merethnat, ā Saoshyantat verethra-ghnat.

(From F toE recite in Bāj, i.e. mentally)

F (1) Humata hūkhta hvarshta, hu-manashne hu-gavashne hu-kunashne, in-khshnūmaine ‘Ardā-fravash be-rasād’ (During the Gatha days, instead of ‘Ardā-fravash be-rasād’ recite ‘geh gāthābyo geh Ahunavad, geh Ushtavad, geh Spentomad, geh Vohu-khshathra, geh Vahistoisht, geh gāthābyo Ardā-fravash be-rasād’).

(2) Nirang pirozgar bād, khoreh veh dine māzdayasnān ravā bād, andar haft keshvar, nāmchesti hātar andar kãm bād. Hast shaherastãn andar (mention name of the city/place) shaherastān, pori firozi shādi-o-rāmashni ravãn. Khoreh khojasteh avazūn bād, avazūn-tar bād, khoreh khojesteh bād. In khshnūmaine ‘Ardā-fravash be-rasād’ (During the Gatha days, instead of ‘Ardā-fravash be-rasād’ recite ‘geh gāthābyo geh Ahunavad, geh Ushtavad, geh Spentomad, geh Vohu-khshathra, geh Vahistoisht, geh gāthābyo Ardā-fravash be-rasād’).

(3) Kerā gāh roj sheheriyāri. Khīsh yazashne karde hom, darūn yasht hom, myazd hami-rāenem yo-kardehā, pa ganje dādār Ahūramazda, rayomand khorehmand, Ameshāspandãn be-rasād. Aoj, zor, nirū, tagi, amāvandi pirojgari, in khshnūmaine ‘Ardā-fravash be-rasād’ (During the Gatha days, instead of ‘Ardā-fravash be-rasād’ recite ‘geh gāthābyo geh Ahunavad, geh Ushtavad, geh Spentomad, geh Vohu-khshathra, geh Vahistoisht, geh gāthābyo Ardā-fravash be-rasād’).

(4) Az hamā padiraftār bād, emārā panāhi kerdār, neki andākhtār anāi petyār, dur awāz dāshtār, ayāft-khāh bād. Kerā-digar myazd, hazār mard myazd, shāem sākht, emārā kam-ranjtar āsāntar, aini kard, yak az mā hazār padiraftār bād.

(5) Nām cheshti anusheh ravãn ravãni (here, mention name of the deceased along with the name of the father or the husband, prefixed by the religious title. For instance, Behdin Rustom Behdin Peshotan) aedar yād bād. (If a second name or multiple names have to be taken it should be like this) anusheh ravãn ravãni (here, mention the name of the deceased along with the name of the father or husband, prefixed by the religious title) aedar yād bād. Hamā fravash ashoãn aedar yād bād.

Farmāyashne (here, mention the name of the person who says the prayer, or in the case of a ritual, the name of the person/s who has/have asked it to be performed, prefixed with the religious title. For instance, Behdin Sohrab) Māzdayasni be-rasād. (If a second name or multiple names have to be taken it should be taken in the same manner as the first, that is starting with Farmāyashne and ending with Māzdayasni be-rasād. According to tradition, the names of ladies who are in periods are not taken.)

Nām cheshti anusheh ravãn ravãni Zarthosht Spitamān asho farohar, aedar yād bād,

Anusheh ravãn ravãni Gustāsp Shāh Lorhrāsp Shah, aedar yād bād,

Anusheh ravãn ravãni Jāmāsp Habub, aedar yād bād,

Anusheh ravãn ravãni Ardā-e Virāf Ardāfravash, aedar yād bād,

Anusheh ravãn ravãni Ādarbād Māhraspan, aedar yād bād,

Anusheh ravãn ravãni Mubed Shahpur Mubed Sharyār, aedar yād bād,

Anusheh ravãn ravãni Mubed Hormazdyār Ervad Ramiyar, aedar yād bād,

Anusheh ravãn ravãni Mubed Naiyrysang Dhawal, aedar yād bād,

Anusheh ravãn ravãni (here one can mention the name of other illustrious departed ones or family members), aedar yād bād.

Hamāfravash ashoãn aedar yād bād. Gorjeh khoreh avazāyād in khshnumaine ‘Ardā-fravash be-rasād’ (During the Gatha days, instead of ‘Ardā-fravash be-rasād’ recite ‘geh gāthābyo geh Ahunavad, geh Ushtavad, geh Spentomad, geh Vohu-khshathra, geh Vahistoisht, geh gāthābyo Ardā-fravash be-rasād’).

(7) Nām cheshti anusheh ravãn ravãni (mention-name of the deceased along with the name of the father or the husband, prefixed by the religious title) aedar yād bād. (If a second name or multiple names have to be taken it should be like this) anusheh ravãn ravãni (mention-name of the deceased along with the name of the father or the husband, prefixed by the religious title) aedar yād bād.

Farmāyashne (mention the name of the person who says the prayer, or in the case of a ritual, the name of the person/s who has/have asked it to be performed, prefixed with the religious title. For instance, Behdin Sohrab) Māzdayasni be-rasād. (If a second name or multiple names have to be taken it should be taken in the same manner as the first time.)

(8) Hamāfravash ashoãn yo kardehā, Chehārum, Dehum, Siroz, Sāl, roj, az Gayomard andā Soshyos aedar yād bād.

(9) Hastãn budãn bedãn zādãn a-zādān, ādehi uzdehi, dahme nar nārik, avarnāe purnāe, har ke avar in zamin, pairi behdini gudārãn shud hast, hamā fravash ashoãn, yo kardehā az Gayomard andā Soshyos aedar yād bād.

(10) Ke in mãn vis-o-zand, deh rostā guzashte hend, hamā fravash ashoãn yo kardehā, az Gayomard andā Soshyos aedar yād bād.

(11) Ashoãn fravash, chirãn fravash, avar vizãn fravash, pirozgarãn fravash, paoiryo-tkaeshãn fravash, nabā-nazdishtãn fravash fravashyo, hamā yo kardehā az Gayomard andā Soshyos aedar yād bād.

(12) Ravãne pedarãn, mādarãn, zadegãn, nyāgãn, farzandãn, paevandãn, parastārãn, nabā-nazdishtãn, fravash ashoãn, yo kardehā, az Gayomard andā Soshyos aedar yād bād.

(13) Hamā Athornãn, hamā Ratheshtarãn, hamā Vāstrayoshãn, hamā Hutokhshãn, hamā fravash ashoãn, hamā yo kardehā, az Gayomard andā Soshyos, aedar yād bād.

(14) Hamā fravash ashoãn hafta-keshvar-zamin, Arezah Savah, Frada-dafsh Vida-dafsh, Vourū-baresht Voūru-zaresht Khaniras-bāmi Kanga-dez ashoãn, Varezam kardãn, Ganj-mãthrãn, hamā fravash ashoãn, hamā yo kardehā, az Gayomard andā Soshyos, aedar yād bād.

(15) Gorjeh khoreh avazāyād in khsnumaine ‘Ardā-fravash be-rasād’ (During the Gatha days, instead of ‘Ardā-fravash be-rasād’ recite ‘geh gāthābyo geh Ahunavad, geh Ushtavad, geh Spentomad, geh Vohu-khshathra, geh Vahistoisht, geh gāthābyo Ardā-fravash be-rasād’).

Nām cheshti anusheh ravãn ravãni (mention-name of the deceased along with the name of the father or the husband, prefixed by the religious title) aedar yād bād. (If a second name or multiple names have to be taken it should be like this) anusheh ravãn ravãni (mention-name of the deceased along with the name of the father or the husband, prefixed by the religious title) aedar yād bād. Hamā fravash ashoãn aedar yād bād.

Ham kerfe hamã vehãne hafta keshvar zamin beresād. Az hamā gunāh patet pashemānum, pa patet hom.E

(Recite aloud) (11) Vispāo fravashayo ashāunãm yazamaide, ashāunãm vanghuhish surāo spentāo fravashayo yazamaide. Vispe ashavano yazata yazamaide.

(If praying in the Hāvan or Second Hāvan geh, recite as follows):

Hāvanim paiti ratum, Sāvanghaem visimcha paiti ratum.

(If praying in the Rapithwan geh, recite as follows):

Rapithwinem paiti ratum, Frādat-fshāum jantumemecha paiti ratum.

(If praying in the Uziran geh, recite as follows):

Uzairinem paiti ratum, Frādat-virem dakhyumemecha paiti ratum.

(If praying in the Aiwisruthrem geh, recite as follows):

Aiwi-sruthre-mem aibi-gāim paiti ratum, Frādat-vispãm hujyāitim Zarathushtro-tememcha paiti ratum.

(If praying in the Ushahen geh, recite as follows):

Ushahinem paiti ratum, Berezim nmānemcha paiti ratum.

(12) Yenghe hātãm āat yesne paiti vangho, Mazdāo Ahuro vaethā ashāt hachā, yāonghãmchā tãschā tāoschā yazamaide.

(13) (To recite in Bāj, i.e. mentally) Ahura Mazda khodāe, awazuni-e mardum, mardum sardagãn, hamā sardagãn, ham-bāyaste veãān, oem behedin Māzdayasnãn, āgāhi, āstavāni, neki rasānad, aedun bād. (To recite aloud) Recite fully 2 Yathā ahu vairyo.

(14) Yasnemcha vahmemcha aojascha zavarecha āfrināmi, Ahurahe Mazdāo raevato khvare-nanghato, Ameshanãm Spentanãm, (During the Gatha days, insert this text here, ‘Gāthābyo spentābyo ratu-khsahtrābyo, ashao-nibyo, Ahunavaityāo gāthayāo, Ushtavaityāo gāthayāo, Spentā Mainyeush gāthayāo, Vohu-khshathrayā gāthayāo Vahistoishtoish gāthayāo’) ashāunãm fravashinãm ughranām aiwi-thuranãm, Paoiryo-tkaeshanãm fravashinãm, Nabā-naz-dishta-nãm fravashinãm. Recite fully 1 Ashem vohu.

Ahmāi raeshcha, Hazanghrem, Jasa me avanghe Mazda, Kerfeh mozd. (Recite fully these 4 short prayers.)

Fravardin Yasht

(Introduction: The Fravardin Yasht is dedicated to the Fravashis, also referred to as Fravahar or Farohar. It is the 13^th Yasht. It can be recited at any time of the night or the day. It should be preferably recited on the Fravardin roj and during the days of Mutād.

The Fravashis are the essence of Ahura Mazda in every creation, including humans. They were created before the material and spiritual creations. Each human being has a personal Fravashi, which acts like the Guardian spirit for the soul during life and even after death. The Fravardin Yasht is rich in information about Fravashis, and is the main source of information about them. The Yasht starts with the invocation of Ardafravash, which means righteous Fravashis. The word Ardafravash collectively refers to all Fravashis. Almost one-third of the Yasht (Para 96-132) constitute names of about 250 departed historical personages from ancient Iran.

The symbolic depiction of Fravashi, resembling a winged bird with a human torso, is a reminder of man’s divine origin and purpose and his connection with the divine world. The Farokhshi ritual involves the recitation of the Fravardin Yasht along with the Satum no Kardo with minor modifications.)

Khshnothra Ahurahe Mazdāo. Ashem Vohu (1).

Pa nãme yazdãn Hormazd khodāe awazuni gorje khoreh awazāyād, Ardāfravash be-rasād.

Az hamā gunāh patet pashemānum, az harvastin dushmata duzhukhta duzhvarshta, mem pa geti manid, oem goft, oem kard, oem jast, oem bun bud ested, az ān gunāh manashni gavashni kunashni, tani ravãni, geti minoãni, okhe avākhsh pashemān, pa se gavashni pa petet hom. Khshnaothra Ahurahe Mazdāo, taroidite Anghrahe Mainyeush, haithyā-varshtãm hyat vasnā frashotemem. Staomi Ashem. Recite fully 3 Ashem vohu.

Fravarāne Mazdayasno Zarathushtrish vidaevo Ahura-tkaesho (Recite the appropriate short geh) frasastayaecha, ashāunãm fravashinãm ughranãm aiwi-thuranãm Paoiryo-tkaeshanām fravashinãm, Nabā-naz-dishta-nãm fravashinãm, khshnaothra yasnāicha vahmāicha khshnaothrāicha frasastayaecha, yathā āhu vairyo zaotā frā me mrute, athā ratush ashātchit hachā, frā ashava vidhvāo mraotu.

(Karda 1) (1) Mraot Ahuro Mazdāo Spitamāi Zarathushtrāi, aeva-te zāvare aojasca, khvareno avasca rafnasca framrava, erezvo Spitama, yat ashaonãm fravashinãm, ughranãm aiwithuranãm, yatha-me jasen avanghe, yatha-me baren upastãm, ughrāo ashaonãm fravashayo.

(2) Āonghãm raya khvarenanghaca, vidhāraem Zarathushtra, aom asmanem, yo uscha raokhshno frāderesro ,yo imãm zãm, ācha pairicha bavāva, mãnayen ahe yatha vish, aem yo hishtaite, manyu-stāto handrakhto duraekarano, ayangho kehrpa khvaenahe, raochahino avi thrishva.

(3) Yim mazdāo vaste vanghanem, stehr-paesanghem mainyu-tāshtem, hachimno Mithro Rashnuca,
Ārmaitica Speñtaya, yahmāi noit chahmāi, naemanãm karana pairi-vaenoithe.

(4) Āonghãm raya khvarenanghaca, vidhāraem Zarathushtra, Aredvim surãm Anāhitãm, perethu-frākãm baeshazyãm, vidaevãm ahuro-tkaeshãm, yesnyãm anghuhe astvaite, vahmyãm anghuhe astvaite, ādhu-frādhanãm ashaonim, vãthwo-frādhanãm ashaonim, gaetho-frādhanãm ashaonim, shaeto-frādhanãm ashaonim, jantu-frādhanãm ashaonim, dainghu-frādhanãm ashaonim.

(5) Yā vispanãm arshnãm khshudrāo yaozh-dadhāiti, yā vispanãm hāiri-shinãm, zãthāi garewãn yaozh-dadhāiti, yā vispāo hāiri-shish huzāmito dadhāiti, yā vispanãm hāiri-shinãm, dāitim rathwim paema ava-baraiti.

(6) Masitãm durāt frasrutãm, yā asti avavaiti maso, yatha vispāo imāo, āpo yāo zemā paiti fratachiñti, yā amavaiti fratachaiti, Hukairyāt hacha barezanghat, avi zrayo Vouru-kashem.

(7) Yaozeñti vispe karano zrayā Vouru-kashayā, ā vispo maidhyo yaozaiti, yat hish avi fratachaiti, yat hish avi frazhgaraiti, Aredvi sura Anāhita, yenghe hazanghrem vairyanãm, hazanghrem apaghzhāranãm, kaschitcha aeshãm vairyanãm, kaschitcha aeshãm apaghzhāranãm, chathware-satem ayare-baranãm, hvaspāi naire baremnāi.

(8) Ainghāoscha me aevanghāo āpo, apaghzhāro vijasāiti, vispāish avi karshvãn yāish hapta. Ainghāoscha me aevanghāo āpo, hamatha ava-baraiti, hãminemcha zayanemcha, hā-me āpo yaozhdadhāiti, hā arshnãm khshudrāo hā khshathrinãm garewãn hā khshathrinãm paema.

(9) Āonghãm raya khvarenanghacha, vidhāraem Zarathushtra, zãm perethwim ahuradhātãm, yãm masimcha pathanãmcha, yā barethri paraosh srirahe, yā vispem ahum astvañtem, baraiti jumcha iristemcha garayascha yoi berezañto, pouru-vāstrāongho āfeñto.

(10) Yenghāo paiti thraoto-stācho, āpo tachiñti nāvayāo, yenghāo paiti pouru-saredhāo, zemādha uzukhshyeiñti urvarāo, thrāthrāi pasvāo virayāo, thrāthrāi Airyanãm dakhyunãm, thrāthrāi geush pañcho-hyayāo, avainghe narãm ashaonãm.

(11) Āonghãm raya khvarenanghacha, vidhāraem Zarathushtra, azem barethrishva puthre paiti-verete apara-irithiñto, ādātāt vidhātaot, vyāhva urvat-chaem, asticha gaonacha, drevdacha uruthwãscha, paidhyāoscha fravākhshascha.

(12) Yeidhi-zi-me noit daidhit upastãm, ughrāo ashāunãm fravashayo, noit me idha āonghātem pasvira, yā-sto saredhanãm vahishta, drujo aogare, drujo khshathrem, drujo astvāo anghush āonghāt.

(13) Ni añtare zãm asmanemcha, drujāo manivāo hazdyāt, ni añtare zãm asmanemcha, drujāo manivāo vaonyāt, noit paschaeta vano vañtāi, upa-dayāt Angro Mainyush Speñtāi Mainyave.

(14) Āonghãm raya khvarenanghacha, āpo tachiñti frātat-chareto, khāo paiti afrajyamnāo. Āonghãm raya khvarenanghacha, zemādha uzukhshyeiñti urvarāo, khāo paiti afrajyamnāo. Āonghãm raya khvarenanghacha, vāto vāoñti dunmo-fruto, khāo paiti afrajyamnāo.

(15) Āonghãm raya khvarenanghacha, hāirishish puthre verenvaiñti. Āonghãm raya khvarenanghacha, huzāmito zizaneñti. Āonghãm raya khvarenanghacha, yat bavaiñti hachat-puthrāo.

(16) Āonghãm raya khvarenanghacha, us-nā zayeiti vyākhano, vyākhmohu gushayat-ukhdho, yo bavaiti khratu-kāto, yo nāidyāongho gaotemahe, paro-yāo parshtoit avāiti. Āonghãm raya khvarenanghacha, hvare ava patha aeiti. Āonghãm raya khvarenanghacha, māo ava patha aeiti. Āonghãm raya khvarenanghacha, stāro ava patha yeiñti.

(17) Tāo ughrāhu peshanāhu, upastãm heñti dāhishtāo, yāo fravashayo ashaonãm, tāo fravashayo ashaonãm, aojishtāo heñti Spitama. Yāo paoiryanãm tkaeshanãm, yāo vā narãm azātanãm, frasho-charethrãm Saoshyañtãm. Āat anyaeshãm fravashayo, jvanãm narãm ashaonãm, aojyehish Zarathushtra, yatha iristanãm Spitama.

(18) Āat yo-nā-hish huberetāo barāt, jva ashaonãm fravashayo, sāsta daingheush hamo-khshathro, ho anghāiti zazushtemo, khshayo kaschit mashyānãm, yo vohu-beretãm baraite, mithrem yim vouru-gaoyaoitim, Arshtātemcha frādat-gaethãm varedat- gaethãm.

(19) Itha-te zāvare aojascha, khvareno avascha rafnascha, framraomi erezvo Spitama, yat ashaonãm fravashinãm, ughranãm aiwithuranãm, yatha-me jasen avanghe, yatha-me baren upastãm, ughrāo ashaonãm fravashayo.

(Karda 2) (20) Mraot Ahuro Mazdāo Spitamāi Zarathushtrāi, āat yase-thwā aetahmi anghvo, yat astvaiñti Spitama Zarathushtra, pathãm jasāiti vãthwaeso, boiwranãm duzhita-nãmcha, thwayanghu-hatãm Zarathushtra, yezicha thwaeshāo tanvo, atha imã vacho dreñjayoish, atha imã vacho framruyāo, vārethraghnish Zarathushtra.

(21) Ashāunãm vanghuhish surāo speñtāo fravashayo, staomi zbayemi ufyemi yazamaide, nmānyāo visyāo zañtumāo dākhyumāo Zarathushtro-temāo, hāitish hātãm, hāitish āonghushãm, hāitish bushyañtãm ashaonãm, vispāo vispanãm dakhyunãm, zevishtyāo zevish-tyanãm dakhyunãm.

(22) Yāo asmanem vidhārayen, yāo āpem vidhārayen, yāo zãm vidhārayen, yāo gãm vidhārayen, yāo barethrishva puthre vidhārayen, paiti-verete apara-iritheñto. Ādātāt vidhātaot, vyāhva urvat-chayen, asticha gaonacha, drevdacha uruthwãscha, paidhyāoscha fravākhshascha.

(23) Yāo ashbereto, yāo ughrāreto, yāo hvāreto, yāo vazāreto, yāo takhmāreto, yāo zaoyāreto, yāo zaoyāo vanghu-thwaeshu, yāo zaoyāo verethra-ghnyaeshu, yāo zaoyāo peshanāhu.

(24) Yāo dāthrish verethrem zbayeñte, dāthrish āyaptem chakushe, dāthrish bañtāi drvatātem, dāthrish ahmāi vohu khvareno, yo hish yazāno kukhsh-nvãno, zbayeiti baro-zaothro ashava.

(25) Yāo avadha para fraoiri-sishtāo, yathra naro ashavano ashem heñti, zarzdātema yathracha mazishtāo freretāo, yathracha khshnuto ashava, yathracha atbishto ashava.

(Karda 3) (26) Ashāunãm vanghuhish surāo speñtāo fravashayo yazamaide. Yāo aojishtāo vazeñtãm, reñjishtāo fravazem-nanãm, afraka-vastemāo apa-srayam-nanãm, anvarshta-vastemāo fraschiñ-bananãm, apairi-vavastemāo snaithi-shãmcha varetha-nãmcha, yāo afrao-urvisvat kerenavaiñti, irem yahmya jaseñti.

(27) Tāo vanghuhish tāo vahishtāo yazamaide, yāo ashāunãm vanghuhish surāo speñtāo fravashayo, tāo zi stare-taeshu baresmohu zaoyāo, tāo verethra-ghnyaeshu, tāo peshanāhu, tāo idha yat naro takhma pereteñte, verethra-ghnyaeshu.

(28) Tāo mazdāo zbayat avanghe, avanghecha ashno vidi-dhāra, apascha zemascha urvara-yāoscha, yat Speñto Mainyush vidhārayat asmanem, yat āpem, yat zãm, yat gãm, yat urvarãm, yat bare-thrishva puthre vidhārayat, paiti-verete apara-iritheñto, ādātāt vidhātaot, vyāhva urvat-chayat, asticha gaonacha, drevdacha uruth-wãscha, paidhyāoscha fravākh-shascha.

(29) Vidhārayat speñto mainyush, yāo amavaitish tushni-shādho, hudoithrish verezi-chashmano, sraoithrish daregho-rãromano, yāo berezaitish berezyāstāo, yāo huyaonāo perethu-yaonāo, ravo-fraothmano dasatha-vaitish frasrutāo, upa-dārayen asmanem.

(Karda 4) (30) Ashāunãm vanghuhish surāo speñtāo fravashayo yazamaide. Hush-hakhmano hvare-zānāo, dareghaeibyo hakhe-dhraeibyo, upa-shite-e vahishtāo, anāzaretāo aeibyo nerebyo, vanghuhish yoi vo vanghush, gufrāo durae-sukāo baeshazyāo, frasrutāo vanat-peshanāo, noit paurvāo āzārayeñte.

(Karda 5) (31) Ashāunãm vanghuhish surāo speñtāo fravashayo yazamaide. Ughra-zaoshāo tbishyañbyo, upairi-kairyāo sevishtāo, yāo upairi hamare-nādha, aurvathanãm tbishyañtãm, ughrāo bāzush schiñ-dayeiñti.

(Karda 6) (32) Ashāunãm vanghuhish surāo speñtāo fravashayo yazamaide. Aredrāo takhmāo aojanghu-haitish, anā-mãthwāo khvāthravaitish khvāparāo baeshazyāo, ashoish baeshaza hachimnāo, zem-frathangha dānu-drājangha hvare-barezangha.

(Karda 7) (33) Ashāunãm vanghuhish surāo speñtāo fravashayo yazamaide. Yāo takhmāo hãm-vareitivaitish, arezayeiñtish khrvishyañtish, urvinaitish fras-chiñ-dayeiñtish, vispanãm tbishvatãm tbaeshāo, daevanãm mashyānãmcha, amae-nijano hamerethe, havāi kāmāicha zaoshāicha.

34. Yuzhem vanghuhish nisri-naota, verethra-ghnemcha ahura-dhātem, vanaiñtimcha uparatātem, ābyo dainghubyo sevishtāo, yatha vanghuhish anāzaretāo, khshnutāo ainitāo atbishtāo, yuzhem yesnyāo vahmyāo, vaso-yaonāo fracharathwe.

(Karda 8) (35) Ashāunãm vanghuhish surāo speñtāo fravashayo yazamaide. Frasrutāo vanat-peshanāo, avi-amāo spāro-dāshtāo, amu-yamnāo razishtanãm, yāo ava-zbayato, avanghe vyãscha vyānascha, apate-e zbayeiti vyãs, apa-gate-e vyāno.

(36) Yāo avadha para fraoi-risishtāo, yathra naro ashavano ashem heñti, zarazdātema, yathracha mazishtāo freretāo, yathracha khshnuto ashava, yathracha atbishto ashava.

(Karda 9) (37) Ashāunãm vanghuhish surāo speñtāo fravashayo yazamaide. Pouru-spādhāo yasto-zayāo, uzgerepto-drafshāo bāmyāo, yāo ughrāhu peshanāhu, tadha nijasen khshteviwyo, tadha yoi takhma khshtāvayo, dānubyo azen peshanāo.

(38) Yuzhem tadha taurvayata, verethrem Dānunãm Turanãm, yuzhem tadha taurvayata, tbaeshāo Dānunãm Turanãm, yushmaoyo paro karshnazo, hvira baon sevishta, yoi takhma khshtāvayo yoi takhma Saoshyañto, yoi takhma verethrājano, khrumāo asebish fraziñta, dānunãm baevare-paitinãm.

(Karda 10) (39) Ashāunãm vanghuhish surāo speñtāo fravashayo yazamaide. Ashāunãm vanghuhish surāo speñtāo fravashayo yazamaide. Yāo rasmano hãm-stāte-e, frakarana schiñ-dayeiñti, vi maidhyãnem nāmayeiñti, thwāshem paskāt fravazeñte, avanghe narãm ashaonãm, ãzanghe duzh-varshtā-varezãm!

(Karda 11) (40) Ashāunãm vanghuhish surāo speñtāo fravashayo yazamaide. Yāo ughrāo aiwithurāo, vārethraghnish vanat-peshanāo, rãremāo vivāitish vichirāo, srava-shemnāo sraotanvo, āsno-urvãno ashaonish, yāo dāthrish verethrem zbayeñte, dāthrish āyaptem chakushe, dāthrish bañtāi drvatātem.

(41) Dāthrish ahmāi vohu khvareno, yo hish atha frāyazāite, yatha hish ho-nā yazata, yo ashava Zarathushtro, ratush astvaithyo gaethayāo, bareshnush bipaitish-tanayāo, kahmāichit yāonghãm jaso, kahmāichit ãzanghãm biwivāo.

(42) Yāo uzbātāo mainyu-shutāo, frashuseñte bareshnvo avanghe ashno, Amem paidhimnāo hutāshtem, Verethra-ghnemcha ahura-dhātem, Vanaiñtimcha uparatātem, Saokãmcha barat-avaretãm, barat-āyaptãm ashaonim, thrãfedhãm yesnyãm vahmyãm , ashāt hacha yat vahishtāt.

(43) Tāo herezeñti sata-vaesem, añtare zãm asmanemcha, tat-āpem zavano-srutem, tat-āpem ukhshyat-urvarem, thrāthrāi pasvāo virayāo, thrāthrāi airyanãm dakhyunãm, thrāthrāi geush pañcho-hyayāo,
avanghe narãm ashaonãm.

(44) Vi añtare zãm asmanemcha, satavaeso vijasāiti, tat-āpo zavano-sruto, tat-āpo ukhshyat-urvaro, sriro bānvāo raokhsh-nemāo, thrā-thrāi pasvāo virayāo, thrā-thrāi Airyanãm dakhyunãm, thrā-thrāi geush pañcho-hyayāo, avanghe narãm ashaonãm.

(Karda 12) (45) Ashāunãm vanghuhish surāo speñtāo fravashayo yazamaide. Ayo-khaodhāo ayo-zayāo ayo-verethrāo, yāo pereteñte verethra-ghnyaeshu, raokhshni-aiwi-dhātaeshu, thakhtāo arezazhish bareñtish, hazanghraghnyāi daevanãm.

46. Yat hish añtare vāto fravāiti, baro-baodho mashyānãm, te naro paiti-zāneñti, yāhva verethra-baodho, te ābyo freretāo freren-vaiñti, ashaonãm vanguhibyo surābyo, speñtābyo fravashibyo thakh-tayāt paro anghuyāt, uzgerevyāt paro bāzuve.

47. Yatāra vā-dish paurva frāyazeñte, fraoret frakhshni avi mano, zaraz-dātoit anghuyat hacha, ātara-thra fraorisiñti, ughrāo ashāunãm fravashayo, hathra Mithrācha Rashnucha, ughracha dāmoish upamana, hathra vāta Verethrājana.

48. Tāo danghāvo, hathra jatāo nijaghneñte, pañcha-saghnāi sata-ghnāishcha, sata-ghnāi hazanghra-ghnāishcha, hazanghra-ghnāi baevare-ghnāishcha, baevare-ghnāi ahãkhshta-ghnāishcha, yathra fraoirisiñti ughrāo ashāunãm fravashayo hathra Mithrācha Rashnucha ughracha dāmoish upamano hathra vāta Verethrājano.

(Karda 13) (49) Ashāunãm vanghuhish surāo speñtāo fravashayo yazamaide. Yāo visādha āvayeiñti,
Hamas-pathmae-daem paiti ratum, āat athra vicha-reñti, dasa pairi khshafno, avat avo zikhsh-nāonghe-manāo.

(50) Ko no stavāt, ko yazāite, ko ufyāt, ko frināt, ko paiti-zanāt, gaomata zasta, vastra-vata, asha-nāsa nemangha. Kahe no idha nãma āghairyāt, kahe vo urva frāyezyāt, kahmāi no tat, dāthrem dayāt,
yat he anghat, khvairyãn khvarethem ajyamnem, yavaecha yavae-tātaecha.

(51) Āat yo nā-hish frā-yazāite, gaomata zasta, vastra-vata, asha-nāsa nemangha. Ahmāi āfrineñti, khshnutāo ainitāo atbishtāo, ughrāo ashāunãm fravashayo.

(52) Buyāt ahmi nmāne geushcha vãthwa, upa viranãmcha, buyāt āsushcha aspo dere-zrascha vākhsho,
buyāt nā stāhyo vyākhano, yo-no bādha frā-yazāite, gaomata zasta, vastra-vata, asha-nāsa nemangha.

(Karda 14) (53) Ashāunãm vanghuhish surāo speñtāo fravashayo yazamaide. Yāo apãm Mazda-dhātanãm, srirāo patho daesayeiñti, yāo para ahmāt hishteñta, fra-dhātāo afratat-kushish hamaya gātvo, dareghemchit pairi zravānem.

(54) Āat tāo nurãm fratachiñti, Mazda-dhātem paiti pañtãm, bagho-bakhtem paiti yaonem, frā-thwarshtem paiti āfeñtem, zaoshāi Ahurahe Mazdāo, zaoshāi Ameshanãm Speñtanãm.

(Karda 15) (55) Ashāunãm vanghuhish surāo speñtāo fravashayo yazamaide. Yāo urvaranãm khvawri-ranãm, srirāo uruth-mish daesa-yeiñti, yāo para ahmāt hishteñta, fradhātāo afraokhsh-yeiñtish, hamaya gātvo dareghem-chit pairi zravānem.

(56) Āat tāo nurãm fravakhsha-yeiñti, Mazda-dhātem paiti pañtãm, bagho-bakhtem paiti yaonem,
frāthwarshtem paiti zravānem, zaoshāi Ahurahe Mazdāo, zaoshāi Ameshanãm Speñtanãm.

(Karda 16) (57) Ashāunãm vanghuhish surāo speñtāo fravashayo yazamaide. Yāo strãm, māongho huro anaghra-nãm, raochanghãm patho daesayen ashaonish, yoi para ahmāt hame gātvo, dareghem hishteñta, afrashi-mañto daevanãm paro tbaeshanghat, daevanãm paro draomohu.

(58) Āat te nurãm fravazeñti, durae-urvaesem adhwano, urvaesem nāshemna, yim Frasho-keretoit vanghuyāo.

(Karda 17) (59) Ashāunãm vanghuhish surāo speñtāo fravashayo yazamaide. Yāo avat zrayo aiwyā-khshayeiñti, yat Vouru-kashem bāmim, navacha navai—tishcha, navacha sata, navacha hazanghra, navasescha baevãn.

(Karda 18) (60) Ashāunãm vanghuhish surāo speñtāo fravashayo yazamaide. Yāo ave streush aiwyā-khshayeiñti, yãm Haptoireñge, navacha navai-tishcha, navacha sata, navacha hazanghra, navasescha baevãn.

(Karda 19) (61) Ashāunãm vanghuhish surāo speñtāo fravashayo yazamaide. Yāo avãm kehrpem aiwyā-khshayeiñti, yãm Sāmahe Keresāspahe, yat gaesāush gadha-varahe, navacha navai-tishcha, navacha sata, navacha hazanghra, navasescha baevãn.

(Karda 20) (62) Ashāunãm vanghuhish surāo speñtāo fravashayo yazamaide. Yāo avãm khshudrem aiwyā-khshayeiñti, yãm Spitāmahe ashaono Zarathushtrahe, navacha navai-tishcha, navacha sata, navacha hazanghra, navasescha baevãn.

(Karda 21) (63) Ashāunãm vanghuhish surāo speñtāo fravashayo yazamaide. Yāo Ahurahe khshayato dashinãm upa yui-dhyeiñti, yezi aem bavaiti, ashava-khshnush, yezi-she bavaiñti anā-zeretāo, khshnutāo ainitāo atbishtāo, ughrāo ashāunãm fravashayo.

(Karda 22) (64) Ashāunãm vanghuhish surāo speñtāo fravashayo yazamaide. Yāo masyehish ahmāt, yāo aojyehish ahmāt, yāo tãshyehish ahmāt, yāo ama-vastarāo ahmāt, yāo verethra-vastarāo ahmāt, yāo baesha-zyotarāo ahmāt, yāo yāskeres-tarāo ahmāt, yatha vacha framravāire, yāo madhe-memchit myazdanãm, baevane upavazeñte.

(65) Āat yat āpo uzbareñte Spitama Zarathushtra, zrayanghat hacha Vourukashāt, khvarenascha yat Mazda-dhātem, āat frashuseñti, ughrāo ashāunãm fravashayo, paoirish pouru-satāo, paoirish pouru-hazanghrāo, paoirish pouru-baevano.

(66) Āpem aeshemnāo, havāi kāchit nāfyāi, havayāi vise, havāi zañtave, havayāi danghave, uityaojanāo khvaepaithe-no danghush, nidhā-taecha haoshā-taecha.

(67) Tāo yuidhyeiñti peshanāhu, have asahi shoithraecha, yatha aso maethanemcha, aiwishite-e dadhāra, mãnayen ahe yatha-nā takhmo rathaeshtāo, hush-hãm-beretat hacha shaetāt, yasto-zaenish paiti-ghnita.

(68) āat yāoscha āonghãm nivāneñte tāo āpem parāzeñti havāi kāchit nāfāi havayāi vise havāi zañtave havayāi dainghave uityaojanāo, hvaepaithe-no dainghush fradhā-taecha varedhā-taecha.

(69) Āat yat bavaiti avi-spashto, sāsta dangheush hamo-khshathro, aurva-thaeibyo paro tbish-yañbyo,
tāo haschit upa-zbayeite, ughrāo ashāunãm fravashayo.

(70) Tāo he jasāoñti avanghe, yezi-she bavaiñti anāzaretāo, khshnutāo ainitāo atbishtāo, ughrāo ashāunãm fravashayo. Tāo dim ava nifrā-vayeñte, mãnayen ahe yatha nā meregho hupareno.

(71) Tāo he snaithishcha varethascha, parshtascha pairi-vārascha, viseñte pairi mainyaoyāt drujat, varenya-yātcha dravãithyāt, zizi-yushatcha kayadhāt, vispo-mahrkā-atcha pairi drvatat, yat Anghrāt Mainyaot, mãnayen ahe yatha nā, satemcha hazanghremcha, baevarecha pairi-shtanãm, nijathem hyāt.

(72) Yatha noit tat paiti kareto hu-frangharshto, noit vazro hunivikhto, noit ishush khvāthakhto, noit arshtish hvai-vyāsta, noit asāno aremo-shuto avasyāt.

(73) Viseñte avat viseñtaecha, Mazda-yaschit airime-anghavo, ashāunãm vanghuhish surāo speñtāo fravashayo ,avat avo zikhsh-nāonghe-manāo. Ko no stavāt, ko yazāite, ko ufyāt, ko frināt, ko paiti-zanāt, gaomata zasta, vastra-vata, asha-nāsa nemangha. Kahe no idha nãma āghairyāt, kahe vo urva frāyezyāt, kahmāi no tat, dāthrem dayāt, yat he anghat, khvairyãn khvarethem ajyamnem, yavaecha yavae-tātaecha.

(74) Āsnāo yazamaide, manāo yazamaide, daenāo yazamaide, Saoshyañtãm yazamaide, uruno yazamaide, pasukanãm yazamaide, daitikanãm yazamaide, upāpanãm yazamaide, upasmanãm yazamaide, frapterejātãm yazamaide, ravascharātãm yazamaide, Changhranghāchãm yazamaide, fravashayo yazamaide.

(75) Fravashish yazamaide, aredrāo yazamaide, takhmāo yazamaide, tañchishtāo yazamaide, speñtāo yazamaide, spenishtāo yazamaide, surāo yazamaide, sevishtāo yazamaide, derezrāo yazamaide, aiwithurāo yazamaide, ughrāo yazamaide, aojishtāo yazamaide, revish yazamaide, reñjishtāo yazamaide, yāskereto yazamaide, yāskerestemāo yazamaide.

(76) Tāo zi heñti yāskerestemāo, vayāo manivāo dāmãn, yāo ashāunãm vanghuhish surāo speñtāo fravashayo, yāo tadha eredhwāo hishteñta, yat mainyu dāmãn daidhitem, yascha Speñto Mainyush yascha Anghro.

(77) Yat titarat Anghro Mainyush, dāhim ashahe vangheush, añtare pairi-avāitem, Vohucha Mano Ātarshcha.

(78) Tāo he taurvayatem tbaeshāo, Anghrahe Mainyeush drvato, yat noit āpo takāish stayat, noit urvarāo uruth-mabyo,hakat surahe dathusho, khshayato Ahurahe Mazdāo, fratachin āpo sevishtāo, uzukhsh-yãncha urvarāo.

(79) Vispāo āpo yazamaide, vispāo urvarāo yazamaide, vispāo ashāunãm vanghuhish surāo speñtāo fravashayo yazamaide, nāmeni āpo yazamaide, nāmeni urvarāo yazamaide, nāmeni ashāunãm vanghuhish surāo speñtāo fravashayo yazamaide.

(80) Vispanãmcha āonghãm paoiryanãm, fravashinãm idha yazamaide, fravashim avãm yãm Ahurahe Mazdāo, mazishtãmcha vahishtãmcha sraeshtãmcha, khraozh-dishtãmcha khrath-wishtãmcha, hukerep-temãmcha, ashāt apano-temãmcha.

(81) Yenghe urva Mãthro Speñto, aurusho raokhshno frāderesro, kehrpascha yāo raeth-wayeiti, srirāo Ameshanãm Speñtanãm, verezdāo Ameshanãm Speñtanãm, hvare-khshaetem aurvat-aspem yazamaide.

(Karda 23) (82) Ashāunãm vanghuhish surāo speñtāo fravashayo yazamaide. Yāo Ameshanãm Speñtanãm khshaetanãm verezi-doithranãm, berezatãm aiwyā-manãm, takhmanãm āhuiryanãm, yoi aithye-jangho ashavano.

(83) Yoi hapta hamo-manangho, yoi hapta hamo-vachangho, yoi hapta hamo-shyaoth-nāongho, yaeshãm asti, hamem mano, hamem vacho, hamem shyaothnem, hamo patacha frasāstacha
yo dadhvāo Ahuro Mazdāo.

(84) Yaeshãm ainyo ainyehe, urvānem aiwi-vaenaiti, mereth-weñtem humataeshu, merethweñtem hukhtaeshu, merethweñtem hvarshtaeshu, merethweñtem Garo-nmānem, yaeshãm raokhsh-nāongho pañtāno, āvayatãm avi zaothrāo.

(Karda 24) (85) Ashāunãm vanghuhish surāo speñtāo fravashayo yazamaide. Yãmcha āthro Urvāzishtahe, speñtahe vyākhanahe, yãmcha Sraoshahe ashyehe takhmahe tanu-mãthrahe, darshi-draosh āhuiryehe, yãmcha Nairyehe Sanghahe.

(86) Yãmcha Rashnaosh razishtahe, yãmcha Mithrahe vouru-gaoyaoitoish, yãmcha Mãthrahe Speñtahe, yãmcha Ashno, yãmcha āpo, yãmcha zemo, yãmcha urvarayāo, yãmcha geush, yãmcha gayehe, yãmcha staoyo ashāvaoyo.

(87) Gayehe Marethnō ashaonō fravashim yazamaide, yō paoiryō Ahurāi Mazdāi, manascha gūshta sāsnāoscha, yahmat hacha frā-thweresat, nāfō Airyanãm dakhyunãm, chithrem Airyanãm dakhyunãm, Zarathushtrahe Spitāmahe idha ashaono ashimcha fravashimcha yazamaide.

(88) Paoiryāi vohu mamnāi, paoiryāi vohu vaokushe, paoiryāi vohu vāvere-zushe, paoiryāi Athaurune, paoiryāi Rathaeshtāi paoiryāi Vāstryāi-fshuyañte, paoiryāi fravaedhāi, paoiryāi fravae-dhayamnāi, paoiryāi hangha-nanāi, paoiryāi hangha-nushe, gãmcha ashemcha ukhdhemcha, ukhdha-khyācha, sraoshem khshathremcha, vispacha vohu Mazda-dhāta asha-chithra.

(89) Yo paoiryo Āthrava, yo paoiryo Rathaeshtāo, yo paoiryo Vāstryo-fshuyãs, yo paoiryo chakhrem urvaesayata, daevāatcha haotāt mashyā-atcha. Yo paoiryo stoish astvaithyāo, staot ashem nāist daevo fraorenata, Mazdayasno Zarathushtrish, vidaevo Ahura-tkaesho.

(90) Yo paoiryo stoish astvaithyāo, vāchim aokhta vidoyum Ahuro-tkaeshem, yo paoiryo stoish astvaithyāo vāchim framraot vidoyum ahuro-tkaeshem. Yo paoiryo stoish astvaithyāo, vispãm daevo-dātem, vavacha ayesnyãm avahmyãm, yo suro vispo-hujyāitish, paoiryo tkaesho dakhyunãm.

(91) Yahmi paiti vispem-mãthrem, ashem sravo visruyata, ahu ratushcha gaethanãm, staota ashahe yat mazishtahecha vahishtahecha sraeshtahecha, paiti-frakhshtacha daenayāi, yat haitinãm vahishtayāi.

(92) Yim isen Ameshāo Speñta, vispe Hvare-hazaosha, fraoret frakhshni avi mano, zrazdātoit anghuyat hacha, ahum ratumcha gaethanãm, staotārem ashahe yat, mazishtahecha vahishtahecha sraeshtahecha, paiti-frakhsh-tāremcha, daenayāi yat haitinãm vahishtayāi.

(93) Yehe zãthaecha vakhshaecha, urvāsen āpo urvarāoscha, yehe zãthaecha vakhshaecha, ukhshin āpo urvarāoscha, yehe zãthaecha vakhshaecha, ushtatātem nimravañta, vispāo speñto-dātāo dāmãn.

(94) Ushta-no zāto Āthrava, yo Spitāmo Zarathushtro, frā-no yazāite zaothrābyo, stereto-baresma Zarathushtro, idha apãm vijasāiti, vanghuhi daena Māzdayasnish, vispāish avi karshvãn yāish hapta.

(95) Idha apãm Mithro yo vouru-gaoyaoitish, fradhāt vispāo fratema-tāto dakhyunãm, yaozaiñ-tishcha rāmayeiti, idha apãm napāo suro, fradhāt vispāo fratematāto dakhyunãm, yaozaiñ-tishcha nyāsāite, Maidhyoi-māonghahe Ārāstyehe, idha ashaono ashimcha fravashimcha yazamaide, yo paoiryo Zarathushtrāi, mãthremcha gushta sāsnāoscha.

(Karda 25) (96) Asmo-khvanvato ashaono fravashim yazamaide, Ashno-khvanvato ashaono fravashim yazamaide, Gavayāno ashaono fravashim yazamaide, Parshta-geush Parātahe ashaono fravashim yazamaide, Vohvastoish Snaoyehe ashaono fravashim yazamaide, Isvato Varāzahe ashaono fravashim yazamaide.

(97) Saenahe Ahum-stuto ashaono fravashim yazamaide, yo paoiryo sato-aethryo frakhshtata paiti āya zemā, perei-didhayehe ashaono fravashim yazamaide, Usmānarahe Paeshatahe ashaono fravashim yazamaide, Vohu-raochangho Frānyehe ashaono fravashim yazamaide, Asho-raochangho Frānyehe ashaono fravashim yazamaide, Varesmo-raochangho Frānyehe ashaono fravashim yazamaide.

(98) Isat-vāstrahe Zarathushtroish ashaono fravashim yazamaide, Urvatat-narahe Zarathushtroish ashaono fravashim yazamaide, Hvare-chithrahe Zarathushtroish ashaono fravashim yazamaide, Daevat-boish Takhmahe ashaono fravashim yazamaide, Thrimith-wato Spitāmahe ashaono fravashim yazamaide, Dāonghahe Zairitahe ashaono fravashim yazamaide.

(99) Kavoish Vishtāspahe ashaono fravashim yazamaide, takhmahe tanumãthrahe, darshi-draosh āhuiryehe, yo drucha paurvãncha, ashāi ravo yaesha, yo drucha paurvãncha, ashāi ravo vivaedha,
yo bāzushcha upastacha, visata anghāo daenayāo, yat Ahuroish Zarathushtroish.

(100) Yo him stātãm hitãm haitim, uz-vazhat hacha hinuiwyo, ni-him dasta maidhyoi-shādhem
berezi-rāzem, afraka-dhavaitim ashaonim, thrãfdhãm geushcha vāstrahecha, frithãm geushcha vāstrahecha.

(101) Zairivaroish ashaono fravashim yazamaide, Yukhtavaroish ashaono fravashim yazamaide, Sriraokhshno ashaono fravashim yazamaide, Kere-saokhshno ashaono fravashim yazamaide, Vanārahe ashaono fravashim yazamaide, Virāzahe ashaono fravashim yazamaide, Nijarahe Savangho ashaono fravashim yazamaide, Buja-sravangho ashaono fravashim yazamaide, Berez-yarshtoish ashaono fravashim yazamaide, Tizh-yarshtoish ashaono fravashim yazamaide, Pereth-varshtoish ashaono fravashim yazamaide, Vaezh-yarshtoish ashaono fravashim yazamaide.

(102) Naptyehe ashaono fravashim yazamaide, Vazhāspahe ashaono fravashim yazamaide, Habāspahe ashaono fravashim yazamaide, Vistaraosh Naotairyānahe ashaono fravashim yazamaide, Frash-hãm-varetahe ashaono fravashim yazamaide, Frasho-karahe ashaono fravashim yazamaide, Ātere-vanaosh ashaono fravashim yazamaide, Ātere-pātahe ashaono fravashim yazamaide, Ātere-dātahe ashaono fravashim yazamaide, Ātere-chithrahe ashaono fravashim yazamaide, Ātere-khvarenangho ashaono fravashim yazamaide, Ātere-savangho ashaono fravashim yazamaide, Ātere-zañteush ashaono fravashim yazamaide, Ātere-dangheush ashaono fravashim yazamaide.

(103) Hu-shyaothnahe ashaono fravashim yazamaide, Pishi-shyaothnahe ashaono fravashim yazamaide, Takhmahe Speñto-dhātahe ashaono fravashim yazamaide, Basta-varoish ashaono fravashim yazamaide, Kavārasmo ashaono fravashim yazamaide, Frashaoshtrahe Hvovahe ashaono fravashim yazamaide, Jāmāspahe Hvovahe ashaono fravashim yazamaide, Avāraosh-troish ashaono fravashim yazamaide.

(104) Hu-shyaothnahe Frāshaosh-trayanahe ashaono fravashim yazamaide, Hvādaenahe Frāshaosh-trayanahe ashaono fravashim yazamaide, Hangha-urusho Jāmāspanahe ashaono fravashim yazamaide, Varshnahe Hangha-urushoish ashaono fravashim yazamaide, Vohu-nemangho Avāraosh-troish ashaono fravashim yazamaide, paiti-shtāte-e akhanãmcha khvafnanãm, akhanãmcha daesanãm, akhanãmcha aoifranãm, akhanãmcha pairikanãm.

(105) Mãthravākahe Sāimuzhoish aethra-patoish hamidh-patoish ashaono fravashim yazamaide, yo fraeshtem usaghanãm, gāthro-rayañtãm ashe-maoghanãm, anashaonãm anahunãm, aratunãm simanãm avaschasto-fravashinãm, ava-jaghnat paiti-shtāte-e ashava-karshtahe tbaeshangho.

(106) Ashastvo Maidhyoi-māonghoish ashaono fravashim yazamaide, Avarethra-bangho Rāshtare-vagheñtoish ashaono fravashim yazamaide, Budhrahe Dāzgrāspoish ashaono fravashim yazamaide, Zbaurvato ashaono fravashim yazamaide, Karsnahe Zbaurvai-thinahe ashaono fravashim yazamaide, takhmahe tanu-mãthrahe, darshi-draosh āhuiryehe.

(107) Yenghe nmāne Ashish Vanghuhi, srira khshoithni fracharaeta, kainino kehrpa srirayāo, ash-amayāo huraodhayāo, uskāt yāstayāo erezvaithyo, raevat chithrem āzātayāo, yo azgato arez-yayāo
havaeibya bāzubya, tanuye ravo aeshishto, yo azgato arez-yayāo, havaeibya bāzubya, hamerethem paiti yuidhishto.

(108) Virāspahe Karsna-yanahe ashaono fravashim yazamaide, Āzātahe karsna-yanahe ashaono fravashim yazamaide, Frāyaodhahe karsna-yanahe ashaono fravashim yazamaide, Vangheush arshyehe ashaono fravashim yazamaide, Arshyehe Vyākhanahe Yāskerestemahe Mazdayasnanãm, Dārayat-rathahe ashaono fravashim yazamaide, Frāyat-rathahe ashaono fravashim yazamaide, Skārayat-rathahe ashaono fravashim yazamaide.

(109) Arsha-vato ashaono fravashim yazamaide, Vyarsha-vato ashaono fravashim yazamaide, paityarsha-vato ashaono fravashim yazamaide, Amraosh ashaono fravashim yazamaide, Chamraosh ashaono fravashim yazamaide, Drāthahe ashaono fravashim yazamaide, Paiti-drāthahe ashaono fravashim yazamaide, Paiti-vanghahe ashaono fravashim yazamaide, Frashā-vakhshahe ashaono fravashim yazamaide, Nemo-vangheush Vaedha-yanghahe ashaono fravashim yazamaide.

(110) Vaesadhahe ashaono fravashim yazamaide, Ashā-vangheush Bivañ-danghahe ashaono fravashim yazamaide, Jaro-dangheush Pairi-shturahe ashaono fravashim yazamaide, Nere-myazda-nahe Āithwyaosh ashaono fravashim yazamaide, Berezishnaosh Arahe ashaono fravashim yazamaide, Kasu-piteush Arahe ashaono fravashim yazamaide, Fryehe ashaono fravashim yazamaide, Astvat-eretahe ashaono fravashim yazamaide.

(Karda 26) (111) Gaopi-vangheush ashaono fravashim yazamaide, Hãm-barethro vanghvãm takhmahe ashaono fravashim yazamaide, Staothro-vahishtahe ashaono fravashim yazamaide, Pouru-dhākhshtoish Khshtāvaenyehe ashaono fravashim yazamaide, Khshviw-rāspanahe Khshtā-vaenyehe ashaono fravashim yazamaide.

(112) Ayo-astoish pouru-dhākhshtayanahe ashaono fravashim yazamaide, Vohvastoish Pouru-dhākhshtayanahe ashaono fravashim yazamaide, Gaya-dhāstoish Pouru-dhākhshtayanahe ashaono fravashim yazamaide, Asha-vazdangho Pouru-dhākhshtayanahe ashaono fravashim yazamaide, Urudhaosh Pouru-dhākhshtayanahe ashaono fravashim yazamaide, Khshathro-chinangho Khshoi-varāspanahe ashaono fravashim yazamaide.

(113) Ashā-hurahe Jish-tayanahe ashaono fravashim yazamaide, Frāya-zeñtahe ashaono fravashim yazamaide, Frenangho Frāya-zeñtanahe ashaono fravashim yazamaide, Jaro-vangheush Frāya-zeñtanahe ashaono fravashim yazamaide, Asha-vazdangho Thritahe Sāizh-droish ashaono fravashim yazamaide, Vohu-raochangho Varaka-sānahe ashaono fravashim yazamaide, Arejanghu-hato Turahe ashaono fravashim yazamaide, Usi-nemangho ashaono fravashim yazamaide.

(114) Yukhtāspahe ashaono fravashim yazamaide, Asha-shyaothnahe Gayadhāstayanahe ashaono fravashim yazamaide, Vohu-nemangho Kateush ashaono fravashim yazamaide, Vohvazdangho Kateush ashaono fravashim yazamaide, Asha-saredhahe Asha-sairyãsh ashaono fravashim yazamaide, Asha-saredhahe Jairyãsh ashaono fravashim yazamaide, Chākhshnoish ashaono fravashim yazamaide, Syāvaspoish ashaono fravashim yazamaide, Pourushtoish Kavoish ashaono fravashim yazamaide.

(115) Varesmapahe Janarahe ashaono fravashim yazamaide, Nanarāstoish Paeshatangho ashaono fravashim yazamaide, Zaraz-dātoish Paeshatangho ashaono fravashim yazamaide, Gaevanoish Vohu-nemangho ashaono fravashim yazamaide, Erezvāo Sruto-spādāo ashaonāo fravashim yazamaide, Zrayanghāo Speñto-khratvāo ashaonāo fravashim yazamaide, Varshnoish Vāgerezahe ashaono fravashim yazamaide, Frāchyehe Taurvaetoish ashaono fravashim yazamaide, Vahmaedhātahe Mãthravākahe ashaono fravashim yazamaide, Ushtrahe Sadhanangho ashaono fravashim yazamaide.

(116) Danghu-srutahe ashaono fravashim yazamaide, Danghu-frādangho ashaono fravashim yazamaide, Spopadho Makhshtoish ashaono fravashim yazamaide, Payangharo makhshtoish ashaono fravashim yazamaide, Ushtā-zañtahe ashaono fravashim yazamaide, Asha-savangho ashaono fravashim yazamaide, Ashā-urvaethahe ashaono fravashim yazamaide, Haomo-khvarenangho ashaono fravashim yazamaide, Varshnahe ashaono fravashim yazamaide.

(117) Fravahe ashaono fravashim yazamaide, Usnākahe ashaono fravashim yazamaide, Khvanvato ashaono fravashim yazamaide, Daenā-vazangho ashaono fravashim yazamaide, Arejaonahe ashaono fravashim yazamaide, Aiwi-khvarenangho ashaono fravashim yazamaide, Huyazatahe ashaono fravashim yazamaide, Haredhāspahe ashaono fravashim yazamaide, Pāzi-nangho ashaono fravashim yazamaide, Khvā-khshathrahe ashaono fravashim yazamaide, Asho-paoiryehe ashaono fravashim yazamaide, Astvat-eretahe ashaono fravashim yazamaide!

(Karda 27) (118) Hugeush ashaono fravashim yazamaide, Anghuyaosh ashaono fravashim yazamaide, Gaoroish ashaono fravashim yazamaide, Gaorayanahe ashaono fravashim yazamaide, Mãzdrā-vangheush ashaono fravashim yazamaide, Srirā-vangheush ashaono fravashim yazamaide, Āyutahe ashaono fravashim yazamaide, Suro-yazatahe ashaono fravashim yazamaide.

(119) Eredhwahe ashaono fravashim yazamaide, Kavoish ashaono fravashim yazamaide, Ukhshāno Vidhi-sravangho durae-srutahe berezavato ashaono fravashim yazamaide, Vanghu-dhātahe Khva-dhātahe ashaono fravashim yazamaide, Uzyehe Vanghu-dhātayanahe ashaono fravashim yazamaide, Fryehe ashaono fravashim yazamaide.

(120) Ashem-yenghe-raochāo nãma ashaono fravashim yazamaide, Ashem-yenghe-vareza nãma ashaono fravashim yazamaide, Ashem yahmāi-ushta nãma ashaono fravashim yazamaide, Yoishtahe Fryānanãm ashaono fravashim yazamaide, Usmānarahecha Paeshatangho paitishtāte-e nāfyo-karshtahe tbaeshangho.

(121) Spitoish uspãsnaosh ashaono fravashim yazamaide, Erezrāspahe Uspãsnaosh ashaono fravashim yazamaide, Usadhāno mazdayasnahe ashaono fravashim yazamaide, Frādat-vangheush stivato ashaono fravashim yazamaide, Raochas-chaeshmano ashaono fravashim yazamaide, Hvare-chaeshmano ashaono fravashim yazamaide, Frasru-tārahe ashaono fravashim yazamaide, Visru-tārahe ashaono fravashim yazamaide, Baremnahe ashaono fravashim yazamaide, Visrutahe ashaono fravashim yazamaide.

(122) Hvaspahe ashaono fravashim yazamaide, Chathware-spahe ashaono fravashim yazamaide, Dawrā-maeshoish ashaono fravashim yazamaide, Frao-rao-sahe Kao-shahe ashaono fravashim yazamaide, frinā-spahe Kaevahe ashaono fravashim yazamaide, Frādat-narahe Gravāra-teush ashaono fravashim yazamaide, Vohu-shtrahe Ākh-nanghahe ashaono fravashim yazamaide, Vivāresh-vahe Ainyāvahe ashaono fravashim yazamaide.

(123) Frārā-zoish Turahe ashaono fravashim yazamaide, Stipoish Ravato ashaono fravashim yazamaide, Parshiñ-tahe Gañdre-wahe ashaono fravashim yazamaide, Avayehe Speñghahe ashaono fravashim yazamaide, Aeta-vahe Māya-vahe ashaono fravashim yazamaide, Yaetush-geush Vyātanahe ashaono fravashim yazamaide, Garshtahe kavoish ashaono fravashim yazamaide.

(124) Pouru-bañghahe Zaoshahe ashaono fravashim yazamaide, Vohu-dātahe Kātahe ashaono fravashim yazamaide, Bāonghahe Sāonghanghahe ashaono fravashim yazamaide, Hvarezāo Añka-sayāo ashaonāo fravashim yazamaide, Arava-oshtrahe Ereza-vato-dangheush ashaono fravashim yazamaide, Frā-chithrahe Berezavato ashaono fravashim yazamaide, Vohu-peresahe Ainyā-vahe ashaono fravashim yazamaide.

(125) Paro-dasmahe Dāshtā-ghnoish Muzha Muzhayāo-dangheush ashaono fravashim yazamaide, Fraturāo Asrutāo Baeshata-sturāo ashaono fravashim yazamaide, Avare-geush Erezavato Aoi-ghmata-sturahe ashaono fravashim yazamaide, Gaomato Zavano Raozh-dyehe Raozh-dyayāo-dangheush ashaono fravashim yazamaide, Thrito Aevo-saredho Fyush-tahe Tanyehe Tanyayāo-dangheush ashaono fravashim yazamaide.

(126) Tiro-naka-thwahe Uspae-shata-nãm Saenanãm ashaono fravashim yazamaide, Utayu-toish Vitka-voish Zikh-roish Saenahe ashaono fravashim yazamaide, Fro-haka-frahe Marezish-myehe Saenanãm ashaono fravashim yazamaide, Varesmo-raochāo Pere-thvafsmo ashaono fravashim yazamaide.

(127) Asha-nemanghāo Vidat-gavāo Anghuyāo dangheush ashaono fravashim yazamaide, Parshat-gavāo Dāzgro-gavāo Apa-khshirayāo dangheush ashaono fravashim yazamaide, Hu-fravākhsh Kahrkana-nãm ashaono fravashim yazamaide, Akaya-dhahe Pudha-nãm ashaono fravashim yazamaide, Jāmāspahe Apara-zātahe ashaono fravashim yazamaide, Maidhyo-māonghahe apara-zātahe ashaono fravashim yazamaide, Urvatat-narahe Apara-zātahe ashaono fravashim yazamaide.

(128) Raochas-chaesh-mano ashaono fravashim yazamaide, Hvare-chaesh-mano ashaono fravashim yazamaide, Frādat-khvarenangho ashaono fravashim yazamaide, Vidat-khvarenangho ashaono fravashim yazamaide, Vouru-nemangho ashaono fravashim yazamaide, Vouru-savangho ashaono fravashim yazamaide, Ukhshyat-eretahe ashaono fravashim yazamaide, Ukhshyat-nemangho ashaono fravashim yazamaide, Astvat-eretahe ashaono fravashim yazamaide.

(Karda 28) (129) Yo anghat Saoshyãs verethraja nãma, Astvat-eretascha nãma, avatha Saoshyãs, yatha vispem ahum astvañtem sāvayāt, avatha Astvat-ereto, yatha astvāo hã ushtanavāo, astvat aithyejanghem paiti-shtāt, paiti-shtāte-e bizangro-chithrayāo drujo, paiti-shtāte-e ashava-karshtahe tbaeshangho.

(Karda 29) (130) Yimahe Vivanghanahe ashaono fravashim yazamaide, surahe pouru-vãthwahe paiti-shtāte-e ainish-toish daevo-frakarsh-tayāo haechangh-ascha avāstrahe ithya-janghascha marsh-aonahe.

131. Thraetaonahe Āthwyānoish ashaono fravashim yazamaide, paiti-shtāte-e garenā-ushcha tafna-oshcha naeza-hecha sāras-toishcha vāvar-shyāoscha, paiti-shtāte-e azhi-karshtahe tbaeshangho, Aosh-narahe pouru-jirahe ashaono fravashim yazamaide, Uzavahe Tumās-panahe ashaono fravashim yazamaide, Aghrae-rathahe naravahe ashaono fravashim yazamaide, Manush-chithrahe Airyā-vahe ashaono fravashim yazamaide.

(132) Kavoish Kavātahe ashaono fravashim yazamaide, Kavoish Aipi-vangheush ashaono fravashim yazamaide, Kavoish Usa-dhano ashaono fravashim yazamaide, Kavoish Arshno ashaono fravashim yazamaide, Kavoish Pisi-nangho ashaono fravashim yazamaide, Kavoish Byarshāno ashaono fravashim yazamaide, Kavoish Syāvarshāno ashaono fravashim yazamaide, Kavoish Haosravangho ashaono fravashim yazamaide.

(133) Amahecha paiti hutāshtahe, Verethra-ghnahecha paiti Ahura-dhātahe, Vanaiñt-yāoscha paiti uparatāto, sanghu-hascha paiti husas-tayāo, sanghu-hascha paiti amu-yamnayāo, sanghu-hascha paiti ava-nem-nayāo, hathra-vatahecha paiti hamere-thanãm.

(134) Drvahecha paiti aojangho, khvare-nanghascha paiti Mazda-dhātahe, tanu-yāoscha paiti drvatāto, āsna-yāoscha paiti vanghuyāo, frazañtoish danghrayāo, vyākha-nayāo khshoi-thnyo spiti-doithra-yāo, ãzo-bujo hvirayāo, hu-zañteush paiti aparayāo, vyareth-yayāo vahishtahe angheush.

(135) Khshathra-hecha paiti bānu-mato, daregha-yāoscha paiti daregho-jitoish, vispanãmcha paiti ayaptanãm, vispanãmcha paiti baesha-zanãm, paiti-shtāte-e yāthwãm pairika-nãmcha, sāthrãm kaoyãm karaf-nãmcha paiti-shtāte-e sāsto-karshtahe tbaeshangho.

(136) Sāmahe Kere-sāspahe gaesaosh gadha-varahe ashaono fravashim yazamaide, paiti-shtāte-e ughrahe bāzāush, haena-yāoscha perethu-aini-kayāo, perethu-drafshayāo, eredhwo-drafshayāo, uzgerepto- drafshayāo, khrurem drafshem bareñtyāo, paiti-shtāte-e gadhahe frakeresto-frasānahe, simahe vireñjano ana-marzh-dikahe paiti-shtāte-e gadho-karshtahe tbaeshangho.

(137) Ākhrurahe Haosra-vanghanahe ashaono fravashim yazamaide, paiti-shtāte-e hashidavahe drvato arātoishcha gaetho-mereñchyānahe, Haosh-yanghahe takhmahe ashaono fravashim yazamaide, paiti-shtāte-e Māzainyanãm daevanãm Varenya-nãmcha drvatãm, paiti-shtāte-e daevo-karshtahe tbaeshangho.

(138) Fradhā-khshtoish Khuñbyehe ashaono fravashim yazamaide, paiti-shtāte-e Aeshmahe khrvi-draosh aeshmo-varedhanãmcha drvatãm, paiti-shtāte-e aeshmo-karshtahe tbaeshangho!

(Karda 30) (139) Hvovyāo ashaono fravashim yazamaide, Frenyāo ashaono fravashim yazamaide, Thrityāo ashaono fravashim yazamaide, Pouru-chistayāo ashaono fravashim yazamaide, Hutaosayāo ashaono fravashim yazamaide, Humāyāo ashaono fravashim yazamaide, Zairichyāo ashaono fravashim yazamaide, Vispa-taurushyāo ashaono fravashim yazamaide, Ushta-vaityāo ashaono fravashim yazamaide, Tushnā-maityāo ashaono fravashim yazamaide.

(140) Frenyāo nāiryāo Usi-nemangho ashaonyāo ashaono fravashim yazamaide, Frenyāo nāiryāo Frāya-zeñtanahe ashaonyāo ashaono fravashim yazamaide, Frenyāo nāiryāo Khshoi-vrāspanahe ashaonyāo ashaono fravashim yazamaide, Frenyāo nāiryāo Gaya-dhāstoish ashaonyāo ashaono fravashim yazamaide, Asabanayāo nāiryāo Pouru-dhākhsh-toish ashaonyāo ashaono fravashim yazamaide, Ukhsheñtyāo nāiryāo Staothro-vahishtahe ashahe ashaonyāo ashaono fravashim yazamaide.

(141) Kanyāo Vadhuto ashaonyāo ashaono fravashim yazamaide, kanyāo Jaghrudho ashaonyāo ashaono fravashim yazamaide, kanyāo Franghādho ashaonyāo ashaono fravashim yazamaide, kanyāo Uru-dhayañto ashaonyāo ashaono fravashim yazamaide, kanyāo Paesangh-hanva ashaonyāo ashaono fravashim yazamaide, Hvare-dhyāo ashaono fravashim yazamaide, Hu-chithrayāo ashaono fravashim yazamaide, Kanu-kayāo ashaono fravashim yazamaide, kanyāo Srutat-fedhryo ashaonyāo fravashim yazamaide.

(142) Kanyāo Vanghu-fedhryāo ashaonyāo fravashim yazamaide, kanyāo Eredat-fedhryāo ashaonyāo fravashim yazamaide, yā Vispa-taur-vairicha nãma, avatha Vispa-taur-vairi, yatha hā tem zizanāt, yo vispe taur-vayāt, daevā-atcha tbaeshāo mashyā-atcha, paiti-shtāte-e jahi-karshtahe tbaeshangho.

(Karda 31) (143) Airyanãm dakhyunãm narãm ashaono fravashim yazamaide, Airyanãm dakhyunãm nāiri-nãm ashaoni-nãm fravashayo yazamaide, Tuiryanãm dakhyunãm narãm ashaono fravashim yazamaide, Tuiryanãm dakhyunãm nāiri-nãm ashaoni-nãm fravashayo yazamaide, Sairi-manãm dakhyunãm narãm ashaonãm fravashayo yazamaide, Sairi-manãm dakhyunãm nāiri-nãm ashaoni-nãm fravashayo yazamaide.

(144) Sāini-nãm dakhyunãm narãm ashaonãm fravashayo yazamaide, Sāini-nãm dakhyunãm nāiri-nãm ashaoni-nãm fravashayo yazamaide, Dāhinãm dakhyunãm narãm ashaonãm fravashayo yazamaide dāhinãm dakhyu-nãm nāiri-nãm ashaoni-nãm fravashayo yazamaide.

(145) Vispanãm dakhyunãm narãm ashaonãm fravashayo yazamaide, Vispanãm dakhyunãm nāirinãm ashaoninãm fravashayo yazamaide, vispāo ashāunãm vanghuhish surāo speñtāo fravashayo yazamaide, yāo hacha gayāt marethnat ā-Saoshyañtāt verethra-ghnat.

(146) Upa-tu-no idha yāo ashaonãm, moshu iseñtu fravashayo, tāo no jaseñtu avanghe, tāo no ãza-huchit hato, thrāyeñte aiwi-dereshtāish ave-bish, aomna Ahura Mazda, Sraoshacha ashya sura, Mãthracha Speñta vidusha, yo vidaevo vidaevahe, ashto Mazdāo Ahurahe, yim Zarathushtro frerenaot, hvāvañtem anghve astvaite.

(147) Aora vanghu-hish upa-shaeta, yāo āpo yāoscha urvarāo, yāoscha ashāunãm fravashayo. Idha frithāo paiti-zañtāo buyata ahmya nmāne, idha āthravano dakhyunãm, manyeñte vangheush ashahe, uz-geurva-yeiñte zaste ahmākem avanghe, surāo yushmākem yasnahe sevishtāo.

(148) Vispanãm āonghãm ashaonãm ashaoninãmcha idha yazamaide, fravashim yaeshãm, yashe-thwatcha urvãno zao-yāoscha fravashayo, vispa-nãmcha āonghãm ashaonãm, ashaoni-nãmcha idha yazamaid,e fravashim yaeshãm no Ahuro Mazdāo ashava, yesne paiti vangho vaedha, vispanãmcha aeshãm Zarathushtrem, paoirim vahishtem Āhuirim susruma tkaeshem.

(149) Paoiryanãm tkaeshanãm paoiryanãm sāsno-gushãm, idha ashaonãm ashaoninãmcha, Ahumcha Daenãmcha Baodhascha, Urvānemcha Fravashimcha yazamaide, yoi ashāi vaonare, Nabānazdishtanãm idha ashaonãm ashaoni-nãmcha, Ahumcha Daenãmcha Baodhascha, Urvānemcha Fravashimcha yazamaide, yoi ashāi vaonare.

(150) Paoiryãn tkaeshe yazamaide, nmāna-nãmcha visãmcha, zañtu-nãmcha dakhyu-nãmcha, yoi āonghare, paoiryãn tkaeshe yazamaide, nmāna-nãmcha visãmcha, zañtu-nãmcha dakhyu-nãmcha, yoi bābvare, paoiryãn tkaeshe yazamaide, nmāna-nãmcha visãmcha, zañtu-nãmcha dakhyu-nãmcha, yoi heñti.

(151) Paoiryãn tkaeshe yazamaide, nmāna-nãmcha visãmcha, zañtu-nãmcha dakhyu-nãmcha, nmānan-ghāno vishāno, zañtu-shāno danghu-shāno, asho-anghāno mãthro-anghāno urvo-anghāno, vispāish vanghush vanghu-shāno.

(152) Zarathushtrem vispahe angheush astvato, ahumcha ratumcha paoirimcha tkaeshem yazamaide, hātãm hudhās-temem, hātãm hukhshathro-temem, hātãm raevas-temem, hātãm khvare-nanghu-hastemem, hātãm yesnyo-temem hātãm vahmyo-temem hātãm khshnao-thwo-temem, hātãm frasasto-temem, yo nā ishtascha, yesnyascha vahmyascha, vaoche yathna kahmāichit, hātãm ashāt hacha yat vahishtāt.

(153) Imãmcha zãm yazamaide, aomcha asmanem yazamaide, tāchha vohu yazamaide, yā añtarestā
yesnyācha vahmyācha, frāyashtva naire ashaone.

(154) Daiti-kanãmcha aidhyunãm, yat uruno yazamaide, ashaonãm āat uruno yazamaide, kudo-zāta-nãmchit, narãmcha nāiri-nãmcha, yaeshãm vahehish daenāo, vanañti vā, venghen vā, vaonare vā.

(155) Vaneñtãm vangheñtãm vaonushãm, daeno-sāchãm idha ashaonãm, ashaoni-nãmcha Ahumcha Daenãmcha Baodhascha, Urvānemcha Fravashimcha yazamaide, yoi ashāi vaonare.

Yenghe hātãm āat yesne paiti vangho, Mazdāo Ahuro vaethā ashāt hachā, yāonghãmchā tãschā tāoschā yazamaide. Recite fully 8 Yathā ahu vairyo.

(156) Ashāunãm fravashinãm, ughranãm aiwi-thuranãm, ughranãm vārethra-ghninãm, Paoiryo-tkaeshanãm fravashinãm, Nabā-nazdishtanãm fravashinãm, fravashayo khshnutāo ayañtu ahmya nmāne, khshnutāo vichareñtu ahmya nmāne.

(157) Khshnutāo āfrineñtu ahmya nmāne, vanghuhim ashim khvāparãm, khshnutāo pārayañtu, hacha ahmāt nmānāt, staomācha rāzarecha, bareñtu dathusho Ahurahe Mazdāo Ameshanãm Speñtanãm, māchim gerezānāo pārayañtu, hacha ahmāt nmānāt, ahmā-kemcha Mazda-yasnanãm.

(158) (To recite in Bāj, i.e. mentally) Ahura Mazda khodāe, awazuni-e mardum, mardum sardagãn, hamā sardagãn, ham-bāyaste veãān, oem behedin Māzdayasnãn, āgāhi, āstavāni, neki rasānad, aedun bād. (To recite aloud) Recite fully 2 Yathā ahu vairyo.

(159) Yasnemcha vahmemcha aojascha zavarecha āfrināmi, ashāunãm fravashinãm ughranãm aiwi-thuranãm Paoiryo-tkaeshanām fravashinãm, Nabā-naz-dishta-nãm fravashinãm. Recite fully 1 Ashem vohu.

Ahmāi raeshcha, Hazanghrem, Jasa me avanghe Mazda, Kerfeh mozd (Recite fully these 4 short prayers).

(160) Roj nek nãm, roj pāk nãm, roj mubārak (here, mention the roj with the title, like Dādār Hormazd) māhe mubārak (here, mention the māh with the title, like Farrokh Farvardin), gāhe (here, mention the name of the geh, like Hāvan), namāz dādāre gehãn dāmãn. Khshnaothra Ahurahe Mazdāo taroidite Anghrahe Mainyeush. Haithyā-varshtãm hyat vasnā frashotemem. Staomi Ashem. Recite fully 1 Ashem vohu.

(161) Gorje khoreh awazayād, Ardāfravash be-rasād, amāvand pirozgar amāvandi pirozgari. Dād din beh Māzdayasnān, āgāhi ravāi goā-frangāni bād, hafta keshvar zamin aedun bād. Man āno āwāyad shudan, man āno āwāyad shudan, man āno āwāyad shudan. Recite fully 1 Ashem vohu.

Recite from F to E facing the South direction:

(162) F Dādāre gehãn, dine Māzdayasni, dāde Zarthushti.

Nemase-te ashāum sevishte, Aredvi sura anāhite. Recite fully 1 Ashem vohu.

Nemo urvaire vanghuhi Mazda-dhāte. Recite fully 1 Ashem vohu.E

(Revert back to the original position)

Ashāunãm vanghuhish surāo speñtāo fravashayo yazamaide. Recite fully 1 Ashem vohu.

Ardāfravash be-rasād. Recite fully 1 Ashem vohu.

Lākhi nu Bhantar

(Introduction: There is a very old tradition to do a prayer which is a combnation of certain numbers of Yatha ahu vairyos, Ashem Vohus and Yenghe hātām prayers, during the Muktād. It could be done on any one day or on all dyas or whichever days possible during the Muktad. The name of the prayer stems from the fact that doing this prayer is equivalent to giving a charity of a lakh {one hundred thousand} of Rupees.)

Khshnaothra Ahurahe Mazdāo. Recite fully 3 Ashem vohu.

Fravarāne Mazdayasno Zarathushtrish vidaevo Ahura-tkaesho (Recite the appropriate short geh) Sraoshahe ashyehe, takhmahe, tanu-mãthrahe, darshi-draosh, āhuiryehe, khshnaothra yasnāicha, vahmāicha, khshnaothrāicha, frasastayaecha, yathā ahu vairyo, zaotā frā me mrute, athā ratush ashāt chit hachā, frā ashava vidhvāo mraotu.

Sroashem ashim huraodhem verethrā-janem frādat gaethem ashavanem ashahe ratum yazamaide.

Here recite: 570 Yatha + 210 Ashem + 120 Yenghe hatam

Recite fully 2 Yathā ahu vairyo. Yasnemcha vahmemcha aojascha zavarecha āfrināmi, Sraoshahe ashyehe, takhmahe tanu-mãthrahe, darshi-draosh āhuiryehe. Recite fully 1 Ashem vohu.

Ahmāi raeshcha, Hazanghrem, Jasa me avanghe Mazda, Kerfeh mozd (Recite fully these 4 short prayers).

	What is the importan… on What is the importance of Tir…
	shiraz kapadia on SSS 31. King Khushru Parviz…
	Narfex Indonesia on C. Why does king Faridun have…
	Ramiyar Karanjia on What is the position of rooste…
	Perizad on What is the position of rooste…

	What is the importan… on What is the importance of Tir…
	shiraz kapadia on SSS 31. King Khushru Parviz…
	Narfex Indonesia on C. Why does king Faridun have…
	Ramiyar Karanjia on What is the position of rooste…
	Perizad on What is the position of rooste…

Share this: